site
stats
پاکستان

لندن بات کرتا تھا اس لیے جلدی سینیٹر بنا، میاں عتیق

اسلام آباد: سینیٹ کی قائمہ کمیٹی برائے قانون اور انصاف کے اجلاس میں سینیٹرز کے درمیان دلچسپ مکالموں کا تبادلہ ہوا، فاروق ایچ نائیک نے ایم کیو ایم کے میاں عتیق کو آہستہ آواز میں بات کرنے کا مشورہ دیا تو سعید غنی کہنے لگے یہ لندن بات کرتے تھے اس لیے اونچی آواز ہے۔

تفصیلات کے مطابق سینیٹ کی قائمہ کمیٹی برائے قانون اور انصاف کے اجلاس میں فاروق ایچ نائیک نے کہا کہ چاہتے ہیں اچھا قانون بنے تاکہ حکومت کو گالیاں نہ پڑیں۔

ایم کیو ایم کے سینیٹر میاں عتیق نے بل کے حق میں اونچی آواز کے ساتھ دلائل دینے شروع کیے تو فاروق ایچ نائیک نے انہیں دھیمی آواز میں بات کرنے کا مشورہ دیا۔

فارو ق ایچ نائیک کی بات سننے کے بعد سعید غنی نے متحدہ کے سینیٹر کو مخاطب کر کے کہا کہ ’’یہ فون پر لندن بات کرتے رہے ہیں اس لیے اونچی آواز میں بات کرنے کے عادی ہیں‘‘۔

سعید غنی کی بات مکمل ہوتے ہی کمیٹی ارکان نے قہقے لگائے تو اسی دوران سینیٹر میاں عتیق نے مسکراتے ہوئے پی پی سینیٹر کو جواب دیا کہ ’’ہاں لندن بات کرتا تھا اس لیے جلدی سینیٹر بن گیا‘‘۔

یاد رہے پنجاب سے تعلق رکھنے والے میاں عتیق کو دو سال قبل ایم کیو ایم نے سینیٹر نامزد کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top