The news is by your side.

Advertisement

وہ قصبہ جہاں دو ماہ تک صبح نہیں ہوگی

کیا آپ تصور کرسکتے ہیں کہ دنیا میں ایسا بھی کوئی علاقہ ہے، جو مسلسل چھیاسٹھ دن تک تاریک رہتا ہے، تو ہم اس بارے میں آپ کو آگاہ کرتے ہیں۔

امریکی ریاست الاسکا کا قصبہ یٹکیاجیوک جسے پہلے بیرو کے نام سے جانا جاتا تھا، یہاں کئی ریسرچ اسٹیشنز بھی قائم ہیں، یہاں رواں ماہ اٹھارہ تاریخ کو سورج غروب ہوا، جس کے بعد اس علاقے میں طویل ترین رات کا آغاز ہوگیا ہے۔

تاریک ہونے والے ان قصبوں میں کاکتووِک، پوائنٹ ہوپ اور انا کتو وِک وغیرہ میں شامل ہیں، یہاں موسم سرما کے دوران اندھیراچھا جاتاہے جس کی مدت الگ الگ ہے ، شدید سرد موسم کے باعث اسے ’’یخ بستہ رات ‘‘کا نام دیا جاتاہے ۔

اس کی حقیقت یہ ہے کہ اس قصبے میں دو ہزار بیس میں آخری بار سورج غروب ہوا تھا اور اب وہاں کے رہائشی سورج کی روشنی کو دوبارہ دو ماہ سے زیادہ عرصے بعد دیکھ سکیں گے۔

طویل ترین رات ہونے کی وجوہات

امریکی ریاست الاسکا کے قصبہ یٹکیاجیوک میں طویل رات ہونے کی وجہ پولر نائٹ یا قطبی رات ہے جو آرکٹک اور انٹارکٹیکا میں ہر سال موسم سرما میں نظر آتا ہے کیونکہ زمین اپنے محور پر کچھ جھک جاتی ہے، ایسا ہونے سے آرکٹک سرکل سرما اور بہار کے دوران سورج سے کئی دنوں، ہفتوں بلکہ مہینوں تک دور رہ سکتا ہے۔

شمالی قطب میں اس کے نتیجے میں مارچ سے ستمبر تک سورج کی روشنی رہتی ہے جبکہ باقی چھ ماہ تاریکی کا راج ہوتا ہے اور صرف ستاروں، چاند کی روشنی ہی نظر آتی ہے۔زمین کے شمالی نصف کرے میں جون کے آخر سے دن کا دورانیہ گھٹنے لگتا ہے اور ہر ملک میں سورج کے غروب ہونے کا دورانیہ کم ہونے لگتا ہے، مگر اس کا اثر شمالی خطوں پر سب سے زیادہ ہوتا ہے۔

نومبر سورج کی روشنی میں کمی کا مہینہ

غیر ملکی میڈیا رپورٹ کے مطابق یکم نومبر کو یٹکیاجیوک میں پانچ گھنٹے بیالیس منٹ تک سورج کی روشنی دیکھی گئی تھی، یعنی صبح 10 بج کر 18 منٹ پر سورج طلوع ہوا اور 4 بجے غروب ہوا، صرف سترہ دن بعد اٹھارہ نومبر کو سورج صرف 34 منٹ کے لیے طلوع ہوا اور دوپہر ایک بج کر 29 منٹ پر غروب ہوگیا اور اب 66 دن بعد دوبارہ طلوع ہوگا۔

ویسے اس دوران سورج کی روشنی کسی حد تک تو نظر آئے گی مگر یہ معمول کے سورج غروب یا طلوع ہونا جیسا نہیں ہوگا، اب وہاں سورج 23 جنوری کو دوبارہ طلوع ہوگا۔

یہ بھی پڑھیں:  زخمی چڑیا کا علاج، گوریلا نے رحم دلی کی مثال قائم کردی، ویڈیو وائرل

واضح رہے کہ شمالی اور جنوبی قطب میں سال میں ایک بار سورج غروب اور طلوع ہوتا ہے، یعنی بہار میں سورج طلوع ہوتا ہے اور سرما میں غروب ہوتا ہے۔

Comments

یہ بھی پڑھیں