وزیر اعلیٰ یوگی ادیتیا ناتھ کا عید میلاد النبیﷺ اور جمعتہ الوداع سمیت15 چھٹیاں ختم کرنے کا اعلان -
The news is by your side.

Advertisement

وزیر اعلیٰ یوگی ادیتیا ناتھ کا عید میلاد النبیﷺ اور جمعتہ الوداع سمیت15 چھٹیاں ختم کرنے کا اعلان

اترپردیش: بھارت میں انتہا پسندی بڑھنے لگی، بھارتی ریاست اترپردیش میں بی جے پی حکومت نے جمعۃ الوداع اور عید میلادالنبی سمیت پندرہ عام تعطیلات کو ختم کرنے کا اعلان کردیا۔

بھارت میں پہلے گائے کے گوشت کھانے پر پابندی  پھر قصابوں کیخلاف کریک ڈاون اور اب مسلمانوں کی چھٹیاں بھی مودی سرکار کو کھٹکنے لگیں، بھارتی ریاست اترپردیش میں بی جے پی حکومت نے جمعۃ الوداع اور عید میلادالنبی سمیت پندرہ عام تعطیلات کو ختم کرنے کا اعلان کردیا۔

اس کے علاوہ مذہبی تہواروں اور سیاسی و مذہبی شخصیات کے یوم پیدائش اور یوم وفات سمیت سرکاری چھٹیاں منسوخ کرنے کی منظوری ریاستی کابینہ نے دی۔

یہ اعلان وزیر اعلیٰ یوگی آدتیہ ناتھ کے دفتر کی جانب سے ٹویٹ میں کیا گیا۔

وزیر اعلیٰ یوگی ادیتیا ناتھ کا کہنا ہے کہ عظیم شخصیتوں کے یوم پیدائش کے موقع پر ریاست کے تمام تعلیمی اداروں میں ان کی شخصیت، کاورناموں کو نوجوان نسل تک پہنچانے کے  کیلئے کم از کم ایک گھنٹے کی نشست منعقد کی جائے گی۔


مزید پڑھیں :  اترپردیش: ہر قسم کے گوشت پر پابندی، لوگ سبزی کھانے پر مجبور


بھارتی میڈیا کے مطابق چھٹیوں پر پابندی کا اطلاق رواں سال سے ہی ہوگا، وزیراعلیٰ یوگی ادیتیاناتھ کے اقتدار میں آنے کے بعد اتر پردیش میں مسلمانوں کا جینا مشکل ہوتا جارہا ہے۔

واضح رہے کہ بھارتی ریاست یو پی میں بھارتیہ جنتا پارٹی کے نامزد کردہ وزیر اعلیٰ یوگی ادیتیا نے کچھ روز قبل ہی وزارت اعلیٰ کا منصب سنبھالا ہے۔ منصب پر فائز ہوتے ہی وزیر اعلیٰ نے پوری ریاست میں گوشت کی دکانوں کے خلاف کریک ڈاؤن کرنے کا حکم دے دیا تھا۔

اس سے قبل ریاست گجرات میں بھی ریاستی حکومت نے گائے ذبح کرنے والوں کے خلاف سخت ترین اقدامات کرتے ہوئے ذبح کرنے والے کے لیے عمر قید کی سزا تجویز کی تھی۔

Comments

comments

یہ بھی پڑھیں