تازہ ترین

دھوپ سے مرجھا جانے والی جلد کو بحال کرنے کا آسان طریقہ

موسم گرما میں دھوپ کی سختی سے جلد مرجھا جاتی ہے اور چہرہ بے رونق دکھائی دینے لگتا ہے، تاہم روزمرہ استعمال کی جانے والی ایک عام شے اس کے لیے بے حد فائدہ مند ہے۔

دہی پروٹین، کیلشیئم، وٹافور اور بائیوٹکس سے بھرپور غذا ہے۔ اسے ایک صحت بخش غذا کے طور پر استعمال کیا جاتا ہے جس سے جسم کو بے پناہ فوائد حاصل ہوتے ہیں۔

اسے لگانا بھی جلد کے بے حد فائدہ مند ہے، یہ جلد کو جوان اور تروتازہ رکھتا ہے۔

جلد کو نرم و ملائم بنانے کے لیے 4 بڑے چمچ دہی میں ایک چھوٹا چمچ کوکو پاؤڈر اور ایک چھوٹا چمچ شہد شامل کریں۔

اس ماسک کو 20 منٹ کے لیے چہرے پر لگائیں پھر ہلکے گرم پانی سے چہرہ دھو لیں۔

اس کے علاوہ دہی میں مسور کی دال کا پاؤڈر اور نارنجی کے چھلکوں کا مکسچر ہم وزن شامل کر کے لگایا جاسکتا ہے۔

اسے 15 منٹ کے لیے لگا رہنے دیں، اگر آپ کی جلد خشک ہے تو اس میں شہد بھی شامل کرلیں۔

جلد نرم و ملائم ہونے کے ساتھ ساتھ چمکدار بھی ہو جائے گی۔

دہی سے ایک زبردست اسکرب تیار کیا جا سکتا ہے، دہی میں موجود اسکربنگ خصوصیات کی وجہ سے اس کا مساج کرنے سے جلد کے مردہ خلیات صاف ہوجاتے ہیں۔

دہی میں چاول کا پاؤڈر ملا کر پیسٹ بنائیں، اس سے چہرے پر گولائی میں مساج کریں، تھوڑی دیر بعد ٹھنڈے پانی سے دھو لیں۔ چاول کی جگہ جو کا آٹا بھی شامل کیا جاسکتا ہے۔

Comments

- Advertisement -