site
stats
کھیل

یونس خان کی وطن واپسی‘ شانداراستقبال

کراچی: پاکستان قومی کرکٹ ٹیم کے اسٹار کرکٹر اپنے کیرئر کی آخری ٹیسٹ سیریز کھیل کر وطن واپس آگئے ‘ ایئر پورٹ پر شاندار استقبال کیا گیا‘ یونس خان چیمپئنز ٹرافی کے موقع پر اے آروائی نیوز کی خصوصی ٹرانسمیشن کا حصہ ہوں گے۔

تفصیلات کے مطابق پاکستان کے لیے ٹیسٹ کرکٹ میں 10 ہزار رنز بنانے والے واحد کھلاڑی یونس خان جب کراچی ایئرپورٹ پہنچے تو ان کا والہان استقبال کیا گیا‘ شائقین نے یونس خان اور پاکستان زندہ باد کے نعرے لگائے۔

کرکٹ سے تعلق ختم نہیں ہوا‘ یونس خان


اس موقع پر خصوصی گفتگو کرتے ہوئے یونس خان کا کہناتھا کہ پاکستان کے لیے دس ہزار رنز بنانے پر فخر ہے‘ ریٹائرمنٹ کا مطلب یہ نہیں کہ کرکٹ سے تعلق ختم ہوگیا ہے۔

ان کا کہنا تھا کہ انہیں بہت سی جگہوں سے کوچنگ کی آفر ہے تاہم وہ پاکستان کے لیے کچھ کرنا چاہتے ہیں۔ اس موقع پر یونس خان نے یہ بھی کہا کہ فی الحال سیاست میں آنے کا ان کا کوئی ارادہ نہیں ہے۔

خیال رہے کہ یونس خان کے استقبال کے لیے عوامی نیشنل پارٹی کے صوبائی صدر شاہی سید بھی اپنے کارکنان کے ہمراہ ان کے استقبال کےلیے وہاں موجود تھے۔

 یونس خان ٹیسٹ میں 10 ہزار رنز مکمل کرنے والے واحد پاکستانی کھلاڑی ہیں جبکہ ٹیسٹ میچ کی چوتھی اننگز میں پانچ مرتبہ سنچریاں بنانے والے واحد کھلاڑی ہیں۔

یاد رہے کہ جون میں شروع ہونے والی چیمپئنز ٹرافی کے لیے اے آروائی نیوز کی خصوصی نشریات میں یونس خان اپنے ماہرانہ تبصرے پیش کریں گے۔

یونس خان کے اعزاز میں لارڈز کے تاریخی میدان میں بھی الوداعی تقریب رکھی گئی تھی جس کا اہتمام لندن میں تعینات پاکستانی ہائی کمشنر نےکیا تھا‘ پی سی بی نے بھی یونس خان اوران کے ساتھ ریٹائر ہونے والے کپتان مصباح الحق کے لیے الوداعی تقریب منعقد کرنے کا اعلان کررکھا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top