The news is by your side.

آئی فون فیچر کو آزمانے کیلیے ایک شخص نے اپنی گاڑی تباہ کردی

آئی فون 14 کے فیچر ’کریش ڈیٹیکشن‘ کو آزمانے کے لیے ایک یوٹیوبر نے اپنی گاڑی کا نقصان کرلیا۔

ایپل کی جانب سے آئی فون 14 سیریز کو گزشتہ دنوں متعارف کروایا گیا تھا جس میں ایک ’کریش ڈیٹیکشن‘ فیچر بھی موجود ہے جو حادثے سے قبل الرٹ جاری کرتا ہے۔

اس فیچر کو جانچنے کے لیے یوٹیوبر نے اپنی گاڑی کا حادثہ کرا دیا۔ یوٹیوبر ٹیک ریکس نے اس فیچر کی آزمائش کرتے ہوئے 6 منٹ کی ویڈیو شیئر کی۔

اس فیچر کی آزمائش کے لیے ٹیک ریکس نے ڈرائیور لیس گاڑی کو استعمال کیا اور آئی فون 14 پرو کو ڈرائیور سیٹ کے پیچھے باندھ دیا۔

جب یہ گاڑی ٹکرائی تو فیچر خودکار طور پر کام کرنے لگا اور ایمرجنسی سروسز سے رابطے سے قبل الرٹ جاری کیا جسے یوٹیوبر نے خود منسوخ کیا۔

کریش ڈیٹیکشن فیچر کیا ہے؟

جب آئی فون کو حادثے کا احساس ہوتا ہے تو وہ ایک الرٹ جاری کرتا ہے اور اگر الرٹ کو بند نہ کیا جائے تو فون 20 سیکنڈ بعد ایمرجنسی سروسز سے رابطہ کرتا ہے اور جائے حادثہ سے آگاہ کرتا ہے۔

Comments

یہ بھی پڑھیں