The news is by your side.

Advertisement

یوم استحصال کشمیر : وزیراعظم نے مظفرآباد میں مزاحمتی دیوار کا سنگ بنیاد رکھ دیا

مظفر آباد : وزیراعظم عمران خان مظفرآباد پہنچ گئے، وزیراعظم آزاد کشمیر نے وزیراعظم عمران خان کا استقبال کیا، کشمیریوں سے اظہار یکجہتی کیلئے ریلی کی قیادت کررہے ہیں۔

اس موقع پر ان کے ہمراہ شہریارآفریدی شبلی فراز، علی امین گنڈاپور اور دیگر بھی موجود ہیں، اس موقع پر وزیراعظم عمران خان نے مزاحمتی دیوار کا سنگ بنیاد رکھ دیا، وزیراعظم عمران خان آزاد کشمیر کی قانون ساز اسمبلی سے بھی خطاب کریں گے


اس سے قبل وزیراعظم عمران خان کو مزاحمتی دیوار سے متعلق بریفنگ بھی دی گئی، قبل ازیں وزیراعظم عمران خان نے ٹویٹ کرتے ہوئے کہا تھا کہ ہندوستان نے مقبوضہ جموں و کشمیر پرغیر قانونی قبضے کے ذریعے جن کشمیریوں کی آواز دبانے کی کوشش کی میں بطورِ سفیر ان سب کی آواز بنا رہوں گا۔

انہوں نے کہا کہ برسوں بعد میری حکومت نے کشمیر کا مقدمہ نہایت مؤثر طور پر اقوام متحدہ میں اٹھایا اور مودی سرکار کی نسل پرست فسطائیت (ہندوتوا) کو بے نقاب کیا۔

ان کا کہنا تھا کہ ہم نے اہلِ کشمیر کی امنگوں اور اقوامِ متحدہ کی سلامتی کونسل کی قراردادوں کے حوالے سے اپنے عزائم و مؤقف کو کل جاری ہونے والے پاکستان کے سیاسی نقشے میں بھی اجاگر اور نمایاں کر دیا ہے۔

انہوں نے کہا کہ یومِ استحصال کے موقع پر اہلِ کشمیرسے اظہارِ یکجہتی کیلئے میں آج آزاد جموں وکشمیر کی اسمبلی سےمخاطب ہوں گا۔ گزشتہ برس 5 اگست کےغیر قانونی اقدامات کے بعد سےاہلِ کشمیر کو بھارت کےہاتھوں ظالمانہ/سفاک فوجی محاصرے کاسامنا ہے جبکہ مقبوضہ وادی میں آبادی کے تناسب میں تبدیلی کی کوششیں بھی جاری ہیں۔

Comments

یہ بھی پڑھیں