The news is by your side.

Advertisement

سڑک پر نوجوانوں کا خطرناک اسٹنٹ دیکھ کر لوگ خوفزدہ

سوشل میڈیا پر آئے روز نت نئی ویڈیوز وائرل ہوتی رہتی ہیں جنہیں دیکھ کر صارفین دنگ رہ جاتے ہیں۔

ایسی ہی ایک حیران کن ویڈیو فوٹو، ویڈیو شیئرنگ ایپلی کیشن انسٹاگرام پر وائرل ہورہی ہے جس میں کم عمر لڑکوں کا ایک گروپ آگ سے کھیلنے میں مصروف ہے۔

ویڈیو میں دیکھا جاسکتا ہے کہ کم عمر لڑکے سڑک پر آگ کے ذریعے اسٹنٹ دکھا رہے ہیں، لڑکے ایک ایک کرکے آگ کے قریب آتے ہیں اور اس پر پیٹرول چھڑک کر آگ کو مزید بڑھکاتے ہیں۔

ویڈیو میں دیکھا جاسکتا ہے کہ لڑکے جیسے ہی آگ کے اوپر پیٹرول چھڑکتے ہیں تو آگ مزید بھڑک اٹھتی ہے، ان لڑکوں کے چہروں کو خوف کا کوئی عنصر موجود نہیں ہے۔

مذکورہ ویڈیو اربن جٹ نامی ایک اکاؤنٹ سے انسٹاگرام پر شیئر کی گئی۔

لڑکوں کے اس خطرناک اسٹنٹ کی ویڈیو سوشل میڈیا پر وائرل ہوگئی جسے دیکھ کر صارفین حیران رہ گئے اور لڑکوں پر تنقید بھی کی۔

ایک صارف نے لڑکوں کا مذاق اُڑاتے ہوئے کہا کہ ’شادی میں تندور جلانے والے۔‘ ایک اور صارف نے لکھا کہ ’انہوں نے کورونا پکڑ لیا ہے۔‘

Comments

یہ بھی پڑھیں