ینگ ڈاکٹرز نے ایک بار پھر سندھ بھر کے اسپتال بند کرنے کا اعلان کردیا -
The news is by your side.

Advertisement

ینگ ڈاکٹرز نے ایک بار پھر سندھ بھر کے اسپتال بند کرنے کا اعلان کردیا

کراچی : ینگ ڈاکٹرز نے ایک بار پھر سندھ بھر کے اسپتالوں میں بدھ کے روز سے او پی ڈی سروس معطل رکھنے کا اعلان کردیا، ان کا کہنا ہے کہ وزیراعلیٰ سندھ کا ڈاکٹرز کی تنخواہوں سے متعلق بیان لالی پاپ دینے کے مترادف ہے۔

تفصیلات کے مطابق اپنے مطالبات کے حق میں احتجاج کرنے والے ینگ ڈاکٹرز اپنے مؤقف پر ڈٹ گئے، ان کا کہنا ہے کہ حکومت کی جانب سے منگل تک تنخواہوں اور الاؤنسز میں اضافے کا نوٹیفکیشن جاری نہ کیا گیا تو بدھ کو احتجاج کریں گے۔

ینگ ڈاکٹرز ایسوسی ایشن سندھ نے اعلان کیا کہ سندھ بھر کے اسپتالوں میں بدھ کے روز سے او پی ڈیز بند کردی جائیں گی اور معمول کے آپریشن بھی ملتوی کر دیئے جائیں گے۔

او پی ڈی شٹ ڈاؤن کی ذمہ داری سندھ حکومت پرعائد ہوگی، ینگ ڈاکٹرز عہدیداران کا مزید کہنا تھا کہ ہمارا مطالبہ ہے کہ کی تنخواہیں پنجاب کے ڈاکٹروں کے برابر کی جائیں۔

مزید پڑھیں: ینگ ڈاکٹرز اور سندھ حکومت کے مذاکرات کامیاب، ہڑتال ختم

وزیراعلیٰ سندھ نے30جنوری کو ہونے والے مذکرات میں تنخواہوں میں اضافے کا عندیہ دیا تھا لیکن سمری اب تک وزیراعلیٰ ہاؤس میں موجود ہے، عمل درآمد میں تاخیر کی وجہ بھی نہیں بتائی جارہی۔

Comments

comments

یہ بھی پڑھیں