ینگ ڈاکٹرزکا احتجاج، پولیس کا لاٹھی چارج، شیلنگ، متعدد گرفتار -
The news is by your side.

Advertisement

ینگ ڈاکٹرزکا احتجاج، پولیس کا لاٹھی چارج، شیلنگ، متعدد گرفتار

لاہور : کراچی، لاہور اور راولپنڈی سمیت ملک کے مختلف شہروں میں مشتعل ینگ ڈاکٹرز سڑکوں پر نکل آئے، لاہور میں پولیس نے ڈاکٹرزکو منتشرکرنے کیلئےلاٹھی چارج اور شیلنگ کی۔

تفصیلات کے مطابق ینگ ٖڈاکٹرز کا اپنے مطالبات کے حق میں مختلف شہروں میں احتجاج جاری ہے، ڈاکٹرز کی ہڑتال کےباعث لاہور اور فیصل آباد میں دو مریض اللہ کو پیارے ہوگئے۔

لاہور میں ینگ ڈاکٹرز نے سروسزاسپتال سے لانگ مارچ شروع کیا اور جیل روڈ پر پہنچ کر دھرنا دیا۔ پولیس کی بھاری نفری جیل روڈ پر موجود تھی، ینگ ڈاکٹرز نے حکومت کیخلاف نعرے لگائے۔

پولیس نے ینگ ڈاکٹر کو منتشر کرنے کیلئے لاٹھی چارج کیا، آنسو گیس کی شیلنگ کی اور واٹر کینن کااستعمال کیا، اس دوران پولیس کی ڈنڈا بردار فورس اورڈاکٹرز کے درمیان ہاتھا پائی بھی ہوئی۔

اس دوران پولیس نے کئی ڈاکٹرز کو گرفتار کرلیا۔ ہڑتال کے باعث سروسزاسپتال میں جنت الفردوس نامی ایک خاتون مریضہ دم توڑگئیں۔

دریں اثناء فیصل آباد میں ینگ ڈاکٹرز نے پولیس تشدد کیخلاف الائیڈ اورسول اسپتال کی ایمرجنسی میں کام بند کردیا، جس کے باعث ایک مریض جاں بحق اور بعض کی حالت تشویشناک ہوگئی۔

دوسری جانب سرگودھا میں بھی لاہور میں ڈاکٹرز کی گرفتاری کیخلاف ینگ ڈاکٹرز نے ہڑتال کی اورایمرجنسی میں کام بندکردیا۔ کراچی کی ڈاؤ یونیورسٹی کے پوسٹ گریجویٹ ڈاکٹرز کےاحتجاج کا آج دسواں روز ہے، ڈاکٹرز نے آج بھی او پی ڈیزاور ڈینٹل سرجری کا بائیکاٹ کیا۔

Comments

comments

یہ بھی پڑھیں