The news is by your side.

Advertisement

کئی فٹ گہرے گڑھے میں گرے ہاتھی کو نکالنے کی حیرت انگیز ویڈیو وائرل

بھاری بھرکم ہاتھی کو سنبھالنا ویسے ہی مشکل ہوتا اور اگر یہ بھاری بھرکم جانور گڑھے میں جاگرئے تو اسے نکالنا کسی بڑے چلینج سے کم نہیں۔

بھارت کی ریاست مغربی بنگال کے جنگلات میں ہاتھی کا بچہ کئی فٹ گہری کھائی میں جا گرا جسے کئی گھنٹوں کی مشقت کے بعد فزکس کے ذریعے بخیر و عافیت باہر نکالا گیا۔

محکمہ جنگلات کے افسران کا کہنا تھا کہ رات 4 بجے ہاتھی کے بچے کے کھائی میں گرنے کی اطلاع موصول ہوئی۔

سائٹ پر پہنچے تو دیکھا کہ کھائی بہت گہری تھی جس میں گرے ہاتھی کے بچے کو باہر نکالنا انتہائی مشکل تھا لیکن محکمہ جنگلات کے افسران نے فزکس کا فارمولا استعمال کرتے ہوئے گھڑے کو پانی سے بھر دیا۔

ہاتھی بہترین تیراک ہوتے ہیں یہ بات محکمہ جنگلات کے افسر کو معلوم تھی اسی لیے اس نے گھڑے میں پانی بھرا جس میں ہاتھی کا بچہ تیراکی کرتا رہا اور پانی کے ساتھ ساتھ اوپر آتا رہا جب پانی اور زمین کی سطح تقریباً برابر ہوئی تو افسران نے ہاتھی کے بچے کو رسیوں کی مدد سے باہر نکال لیا۔

Comments

یہ بھی پڑھیں