کراچی: شہر قائد کے نوجوان نے احتجاج کے لیے انوکھا راستہ اختیار کیا، پسند کی شادی نہ ہونے پر ہائی ٹینشن پول پر چڑھ گیا.
تفصیلات کے مطابق کراچی کےعلاقےکورنگی میں نوجوان شاکر ہائی ٹینشن پول پر چڑھ گیا، نوجوان کا مطالبہ تھا کہ اس کی پسند کی شادی کروائی جائے،شادی نہ ہوئی تو پول سے کود کر جان دے دے گا.
نوجوان کی پول پر چڑھنے کی خبر جنگل کی آگ کی طرح پھیل گئی، پول کے گرد ہجوم اکٹھا ہوگیا، ریسیکو اہل کار بھی پہنچ گئے، اس دوران ہائی ٹینشن کی بجلی منقطع کردی گئی.
نوجوان ساڑھے چار گھنٹے تک پول پر چڑھا رہا، پولیس، رینجرز اور فائربریگیڈ کے اہل کار بھی موقع پر پہنچ گئے.
شاکر نے اپنی جیکٹ نیچے پھینک دی اور ریسکیو اہل کاروں کو اپنا موبائل نمبر دے دیا، جو اس سے نیچے اترنے کی درخواست کرتے رہے، مگر وہ اپنے مطالبے پر اڑا رہا.
مزید پڑھیں: شوہرنے بیوی کو مار ڈالا، پسند کی شادی کرنیوالا جوڑا غیرت کے نام پر قتل
آخر نوجوان ریسکیو اہل کاروں اور اپنی بہنوں کی درخواست پر ساڑھے چار گھنٹے بعد نیچے اترنے پر راضی ہوا، نوجوان کو اسنارکل کےذریعے نیچےاتر گیا.
شاکر کے نیچےاترتے ہی ناراض ہجوم اس پرٹوٹ پڑا، پولیس نے لاٹھی چارج کرکےمجمع منتشرکیا اور شاکرکوموبائل میں بٹھا کر لے گئی.
