ابوظہبی: یونس خان نے ون ڈے کرکٹ سے ریٹائرمنٹ کا اعلان کر دیا۔
تفصیلات کے مطابق یونس خان آج انگلینڈ کیخلاف ون ڈے کیریئر کا آخری میچ کھیلیں گے، یونس خان ٹیسٹ کیریئر کا سلسلہ جاری رکھیں گے۔
یونس خان نے کہا ہے کہ پندرہ سال کرکٹ کھیلنے کے بعد آج ریٹائرمنٹ کا اعلان کر رہا ہوں، ریٹائرمنٹ کا فیصلہ آسان نہیں ہوتا ، ٹیم مینجمنٹ اور سلیکشن کمیٹی کا شکر گزار ہوں.
انہوں نے کہا آج انگلینڈ کیخلاف کیرییئر کا آخری ون ڈے کھیلوں گا۔ ریٹائرمنٹ کا فیصلہ سوچ سمجھ کر کیا ہے ہمیشہ نیک نیتی اور ایمانداری سے زندگی گزاری۔
پی سی بی نے بھی یونس خان کی ریٹائرمنٹ کی تصدیق کر دی ہے۔ یونس خان نے پاکستان کی جانب سے اب تک 264 ون ڈے انٹرنیشنل کھیلے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں