The news is by your side.

Advertisement

کراچی : اسپتال کے واش روم میں نوجوان نے خودکشی کرلی

کراچی : نجی اسپتال میں نوجوان نے گلےمیں پھندا ڈال کر خودکشی کرلی ، اہلخانہ کا کہنا ہے کہ مریض کو داخل کرتے وقت انتظامیہ کو بتایا تھا، یہ خودکشی کرسکتا ہے۔

تفصیلات کے کراچی کے علاقے نارتھ ناظم آباد کے نجی اسپتال میں نوجوان نے مبینہ طور پر خودکشی کرلی ، نوجوان نے گلے میں پھندا ڈال کراسپتال کے واش روم میں خودکشی کی۔

اہلخانہ کا کہنا تھا کہ نوجوان کو ایک روز پہلے ہی نفسیاتی اسپتال میں داخل کیا گیا تھا اور مریض کو داخل کرتےوقت انتظامیہ کوبتایاتھایہ خودکشی کرسکتا ہے۔

اہلخانہ نے کہا اسپتال انتظامیہ سے کہا تھا ایک فرد کو ساتھ رہنے کی اجازت دی جائے لیکن اسپتال انتظامیہ نے انکار کر دیا، نوجوان لاکھوں کا مقروض تھا۔

یاد رہے رواں ماہ کے آغاز میں صوبہ پنجاب کے ضلع جہلم میں ایک خاتون نے مبینہ طور پر اپنی تین نابالغ لڑکیوں کو قتل کرنے کے بعد خودکشی کی کوشش کی تھی۔

پولیس نے اس پورے واقعہ کی تفصیلات بتاتے ہوئے بتایا تھا کہ یہ واقعہ جہلم کے آبائی گاؤں ہیران پور میں پیش آیا جہاں ایک خاتون نے گھریلو جھگڑے پر اپنی تین کمسن بچیوں کو قتل کر دیا تھا، لڑکیوں کی عمریں دو، تین اور پانچ سال تھیں۔

Comments

یہ بھی پڑھیں