برقع پہن کر ہاسٹل میں محبوبہ سے ملاقات کرنیوالا نوجوان پکڑا گیا

بھارت میں نوجوان نے محبوبہ سے ملاقات کرنے کے لیے برقع کا سہارا لیا لیکن معمولی سی غلطی کی وجہ سے پکڑا گیا۔

ریاست کولکاتا میں مغربی بنگال کے علاقے مرشد آباد میں نوجوان لڑکی کا روپ دھار کر اپنی محبوبہ سے ملنے گرلز ہاسٹل جا پہنچا۔ اس نے ہاسٹل کے قریب ہوٹل میں کپڑے تبدیل کیے اور ہاسٹل چلا گیا۔

لیکن محبوبہ سے ملنے کی جلدی اور بے چینی کی وجہ سے نوجوان مردانہ اسپورٹس شوز تبدیل کرنا بھول گیا اور ہاسٹل میں پکڑا گیا۔

ہاسٹل میں جب گارڈ کی نظر نوجوان کے جوتوں پر پڑی تو وہ اس سے بات چیت کرنے لگا اور لڑکا ثابت ہونے پر اسے پکڑ کر پٹائی شروع کر دی۔

ہاسٹل انتظامیہ کی جانب سے اطلاع کرنے پر پولیس موقع پر پہنچی اور نوجوان کو لڑکی سمیت گرفتار کرلیا تاہم بعد میں پولیس نے لڑکی کو چھوڑ دیا۔

Comments