The news is by your side.

Advertisement

چاروں صوبائی اسمبلیوں کے یوٹیوب چینلز ہونے چاہئیں، فواد چوہدری

اسلام آباد : وفاقی وزیر سائنس اینڈ ٹیکنالوجی فواد چوہدری نے کہا ہے کہ ٹیکنالوجی کی افادیت سے انکار نہیں کرسکتے، ہماری تجویز ہے کہ صوبائی اسمبلیوں کے یوٹیوب چینلز ہونے چاہئیں۔

یہ بات انہوں نے اسلام آباد میں پریس کانفرنس سے خطاب کرتے ہوئے کہی، انہوں نے کہا کہ صحافت کے شعبے میں ٹیکنالوجی کو فروغ دینا وقت کی ضرورت ہے۔

فواد چوہدری کا کہنا تھا کہ ٹیکنالوجی کے اس دور میں پرنٹ میڈیا کو زیادہ چیلنجز درپیش ہیں، میڈیاجب رپورٹنگ کرے تو لوگوں کو خطرناک اثرات سے بھی آگاہ کرے۔

انہوں نے کہا کہ ہماری تجویز ہے کہ صوبائی اسمبلیوں کے یوٹیوب چینلز ہونے چاہئیں، عوام قومی اسمبلی کی طرح صوبائی اسمبلیوں کی کارروائی دیکھ سکیں گے، ہم آنکھیں بند کرکے ٹیکنالوجی سے انکار تو نہیں کرسکتے، ہم سارے رویت ہلال کے ممبر تھوڑی ہیں۔

فوادچوہدری نے کہا کہ علاقوں کی یکساں ترقی کیلئے صوبائی فنانشل ایوارڈ کا نفاذ ہونا چاہیے، بچوں کی کم عمری کی شادی کو ہماری پارلیمنٹ ختم نہیں کر پارہی جبکہ سعودی عرب اور ایران کم عمری میں شادی پر پابندی لگا چکے ہیں۔

Comments

یہ بھی پڑھیں