بھارتی کرکٹ ٹیم کے سابق آل راؤنڈر یوسف پٹھان نے ورلڈ کپ کی سیمی فائنلسٹ ٹیموں کی پیش گوئی کردی۔
آئی سی سی کرکٹ ورلڈ کپ کا آغاز 5 اکتوبر کو نیوزی لینڈ اور انگلینڈ کے میچ سے ہوگا جبکہ 6 اکتوبر کو نیدرلینڈز اور پاکستان کی ٹیمیں مدمقابل ہوں گی۔
ورلڈ کپ سے قبل سابق کرکٹرز کی جانب سے فائنلسٹ ٹیموں اور میگا ایونٹ میں پسندیدہ بیٹرز اور بولرز سے متعلق پیش گوئیاں کی جارہی ہیں۔
سابق بھارتی کرکٹر یوسف پٹھان نے بھی ورلڈ کپ کی سیمی فائنلسٹ ٹیموں کی پیش گوئی کی ہے۔
یوسف پٹھان کا کہنا ہے کہ ورلڈ کپ میں انگلینڈ، آسٹریلیا، بھارت اور پاکستان کی ٹیمیں سیمی فائنل کھیل سکتی ہیں۔
Watching this World Cup closely and backing our #TeamIndia all the way! My top four picks for the semi finals are India, England, Australia, and Pakistan. Some exciting cricket ahead! #WorldCup #TopFour
— Yusuf Pathan (@iamyusufpathan) September 30, 2023
واضح رہے کہ یوسف پٹھان ٹی 20 ورلڈ کپ 2007 اور ون ڈے ورلڈ کپ 2011 میں بھارتی ٹیم کا حصہ تھے۔
یاد رہے کہ اس سے قبل عرفان پٹھان نے بھارت، جنوبی افریقہ، آسٹریلیا اور دفاعی چیمپئن انگلینڈ کو اپنی فائنلسٹ ٹیموں میں شامل کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں