The news is by your side.

Advertisement

یوراج سنگھ نئی مشکل میں، مقدمہ درج

بھارتی کرکٹر یوراج سنگھ نسل پرستانہ الفاظ استعمال کرنے پر مشکل میں پڑ گئے، کرکٹر کے خلاف مقدمہ درج ‏کر لیا گیا۔

گزشہ سال 4 جون کو سابق آل راؤنڈر یووراج سنگھ نے روہت شرما کے ساتھ انسٹاگرام چیٹ کے دوران یوزویندر ‏چاہل اور کلدیپ یادیو کو بھنگی کہا تھا۔

بھارتی کرکٹ ٹیم کے اوپنر روہت شرما نے جب یووراج سنگھ کو بتایا کہ لاک ڈاؤن میں چاہل اور کلدیپ نے رقص ‏کیا تو یووراج بولے دونوں بھنگی ہیں۔

یووراج سنگھ کے ساتھ روہت شرما بھی دونوں کھلاڑیوں کا مذاق اڑانے میں پیش پیش رہے اور انہوں نے بھی ‏کلدیپ اور چاہل کو آڑے ہاتھوں لیا۔

یووراج سنگھ کے الفاظ پر دلت انسانی حقوق کے وکیل رجت کلسن نے مقدمہ درج کرواتے ہوئے انہیں گرفتار ‏کرنے کا مطالبہ کیا۔

یووراج سنگھ نے کھلاڑیوں کے خلاف نامناسب الفاظ استعمال کرنے پر معافی مانگ لی تاہم رجت کلسن نے ‏عدالت سے رجوع کیا اور اندراج مقدمہ کی درخواست دی۔

ہریانہ کی عدالت نے کرکٹر کے خلاف اندراج مقدمہ کا حکم دیتے ہوئے پولیس افسران کو تعمیلی رپورٹ جمع ‏کروانے کی ہدایت کی۔

Comments

یہ بھی پڑھیں