The news is by your side.

Advertisement

فیصلے کا احترام کرتے ہیں، میدان نہیں چھوڑیں گے، زعیم قادری

لاہور : پنجاب حکومت کے ترجمان زعیم قادری نے کہا ہے کہ مسلم لیگ ن میدان چھوڑ کر نہیں بھاگے گی۔ عدالتی فیصلے کا احترام کرتے ہیں۔

تفصیلات کے مطابق تحریک انصاف کے مرکزی رہنما جہانگیر ترین کے بیان پر تبصرہ کرتے ہوئےاپنےایک بیان میں زعیم قادری نے کہا ہے کہ عدالتی فیصلے کا احترام کرتے ہیں۔ مسلم لیگ ن میدان چھوڑ کر نہیں بھاگے گی۔

انہوں نے کہا کہ تحریک انصاف کی سیاست محض الزام تراشی ہے،سپریم کورٹ کے فیصلے پر جہانگیر ترین کے ردِ عمل پر افسوس ہوا، پی ٹی آئی ریاستی اداروں کا احترام کرنا سیکھے۔

زعیم قادری نے کہا کہ آنیوالا وقت بتائے گا کہ عوام کس کے ساتھ ہیں۔ ان کا کہنا تھا کہ بلند و بانگ دعوےکرنے والوں کے دعوےدھرے کے دھرے رہ جائیں گے۔

یادرہے کہ این اے 154 لودھراں سے متعلق سپریم کورٹ کا فیصلہ آنے کے بعد پی ٹی آئی رہنما جہانگیر ترین نے عدالت کے باہر میڈیا سے گفتگو کرتے ہوئے کہا تھا کہ نواز لیگ بیدان چھوڑ کر بھاگ رہی ہے۔

پی ٹی آئی رہنما جہانگیر ترین کا کہنا تھا کہ مسلم لیگ (ن) نے شکست نظر آنے پر سپریم کورٹ کے پیچھے چھپنے کی کوشش کی.ان کا کہنا تھا کہ وہ (ن) لیگ سے عوامی میدان میں مقابلہ کرنے کے لیے تیار ہیں۔

Print Friendly, PDF & Email

Comments

comments

یہ بھی پڑھیں