The news is by your side.

Advertisement

لاہورکی عوام نے پی ٹی آئی کو مسترد کردیا، زعیم قادری

لاہور : پنجاب حکومت کے ترجمان  اور ن لیگی رہنما زعیم قادری نے کہا ہے کہ لاہور کی عوام نے پچھلے عام اور بلدیاتی انتخابات کے بعد ایک بار پھر پی ٹی آئی کو مسترد کردیا ہے۔

پی ٹی آئی کا جلسہ بری طرح ناکام ہوا، انہوں نے کپتان کو دھمکی دی کہ وہ رائے ونڈ آنے کا خواب ترک کردیں۔ رائے ونڈ آنے کی کوشش کی تو بھرپور جواب دیا جائے گا۔

زعیم قادری کا کہنا تھا کہ عمران خان جلسی اور پتلی تماشوں کو رائے ونڈ لے جانے کی بات کرتے ہیں، مسلم لیگ نواز اقدار کی سیاست کرتی ہے۔

ان خیالات کا اظہار انہوں نے لاہور کے جلسے کے بعد عمران خان کے خطاب کے رد عمل میں  صحافیوں سے بات چیت کرتے ہوئے کیا، انہوں نے کہا کہ عمران خان کے کہنے پر کوئی کمیشن نہیں بنناچاہیئے۔

انہوں نے کہا کہ پولیس کے اعلیٰ انتظامات کی وجہ سے خواتین بدتمیزی سے محفوظ رہیں،ماؤں بہنوں، بیٹیوں کی عزت و تکریم کا اہتمام کرنے پر میں پولیس افسروں کو خراج تحسین پیش کرتا ہوں۔

ان کا کہناتھا کہ جہانگیر ترین نے ٹیکس ادا کئے بغیر پیسہ کیسے بیرون ملک بھجوایا؟ اسمبلی میں 32 سیٹوں والوں کو قوم کا نمائندہ کہلانے کا حق نہیں۔

 

Comments

comments

یہ بھی پڑھیں