کراچی: سپریم کورٹ کے حکم کے بعد سندھ بلڈنگ کنٹرول اتھارٹی (ایس بی سی اے) کے ڈائریکٹر جنرل ظفر احسن کو عہدے سے ہٹا دیا گیا۔
تفصیلات کے مطابق ڈی جی سندھ بلڈنگ کنٹرول اتھارٹی ظفر احسن کو عہدے سے ہٹا دیا گیا، ظفر احسن کو لوکل گورنمنٹ اینڈ ہاؤسنگ ٹاؤن پلاننگ رپورٹ کرنے کا حکم دیا گیا ہے۔ ظفر احسن کے پاس ڈی جی ایس بی سی اے کا اضافی چارج موجود تھا۔
سپریم کورٹ نے کراچی میں غیر قانونی تعمیرات، تجاوزات اور زمینوں پر قبضے ودیگر معاملات سے متعلق درخواستوں پر سماعت کے بعد سندھ بلڈنگ کنٹرول اتھارٹی (ایس بی سی اے) کے ڈائریکٹر جنرل ظفر احسن کو عہدے سے ہٹانے کا حکم دیا۔
سپریم کورٹ کا ڈی جی ایس بی سی اے کو فوری ہٹانے کاحکم
سپریم کورٹ نے ریمارکس دیے کہ وزیراعلیٰ سندھ تمام معاملات خود دیکھیں اور کسی ایماندار افسر کو ایس بی سی اے کا ڈی جی تعینات کیا جائے۔ عدالت عظمیٰ نے کہا کہ جب تک نیا ڈی جی نہ لگے چیف سیکریٹری خود معاملات کنٹرول کریں۔
سپریم کورٹ نے سندھ بلڈنگ کنٹرول اتھارٹی کی جانب سے ایک سال کے دوران گراؤنڈ پلس ٹو عمارتوں کی تعمیر سے متعلق دی گئی اجازت کی رپورٹ بھی طلب کر لی۔
