site
stats
پاکستان

ظفر حجازی کی میڈیکل رپورٹ منظر عام آگئی

اسلام آباد: پمز اسپتال میں زیر علاج ایس ای سی پی کے چیئرمین ظفر حجازی کی حتمی میڈیکل رپورٹ اے آر وائی نیوز نے حاصل کر لی۔

ذرائع سے موصول ہونے والی رپورٹ پمز اسپتال کے پانچ رکنی میڈیکل بورڈ نے تیار کی، رپورٹ کے مطابق ظفر حجازی کو صبح کے اوقات میں سینے میں تکلیف محسو س ہوئی جس پر انہیں اینجی سڈ نامی دوا فراہم کی گئی۔

رپورٹ میں کہا گیا ہے کہ مرض کی تشخیص کیلئے ظفر حجازی کو  پرائیویٹ وارڈ سے شعبہ امراض قلب منتقل کیا گیا جہاں انکا ای ٹی ٹی نامی ٹیسٹ بھی کیا گیا جس کی رپورٹ اطمینان بخش آئی۔

میڈیکل رپورٹ کے مطابق مریض کے سینے کی مسلسل تکلیف اور ٹیسٹ رپورٹ کے نتائج کو مد نظر رکھتے ہوئے ظفر حجازی کو امراض قلب کے انتہائی نگہداشت وارڈ منتقل کر دیا گیا۔ رپورٹ کے مطابق دوران ای ٹی ٹی ظفر حجازی کے دل کی ایک سے زائد شریانوں میں بیماری کی تشخیص ہونے پرڈاکٹرز نے اینجیو گرافی کرانے کی تجویز دی۔

میڈیکل رپورٹ کے مطابق ظفر حجازی شدید ذہنی تناؤ کا شکار ہیں اور بورڈ نے ظفر حجازی کیلئے ماہر نفسیات کی خدمات لازمی حاصل کرنے کی تجویز دی ہے ۔ بورڈ کی سربراہی شعبہ امراض کے سربراہ ڈاکٹر محمد نعیم ملک نے کی جبکہ دیگر ارکان میں شعبہ میڈیسن کے ڈاکٹر شجی صدیقی،شعبہ یورالوجی کے ڈاکٹر ساجد ممتاز،شعبہ امراض گردہ و مثانہ کے ڈاکٹر سہیل تنویر جبکہ پمز اسپتال کے میڈیکل ڈائریکٹر ڈاکٹر فیصل کاکڑ شامل ہیں۔

پڑھیں: ظفر حجازی کو پروٹوکول، ویڈیو بنانے پر خاتون صحافی کو بیٹے کی مغلظات

یاد رہے گزشتہ روز اچانک طبیعت خرابی کے بعد ظفر حجازی کو پمز اسپتال منتقل کیا گیا تھا جہاں انہیں ابتدائی ٹیسٹوں کے بعد وی آئی پی وارڈ کے کمرہ نمبر 208میں رکھا گیا تھا ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top