The news is by your side.

Advertisement

اردن کی شہزادی کی غذائی قلت کے خاتمے کیلئے تعاون کی یقین دہانی

اسلام آباد : معاون خصوصی صحت ظفرمرزا سے ملاقات میں اردن کی شہزادی سارا زید نے غذائی قلت کے خاتمے کیلئے تعاون کا یقین دلایا اور کہا اسلامک بینک ڈویلپمنٹ کے تعاون سے وسائل فراہم کئے جائیں گے۔

تفصیلات کے مطابق معاون خصوصی صحت ظفرمرزا کی اردن کی شہزادی سارازید سے ملاقات ہوئی ، ملاقات میں ورلڈفوڈپروگرام کے نمائندے بھی شامل تھے۔

ڈاکٹرظفرمرزا نےکہا ملاقات میں پاکستان میں نیوٹریشن ،اسٹنٹنگ کے ایشو پر تفصیلی بات چیت ہوئی، نیوٹریشن کےحوالے سے پاکستان شہزادی سارا کیلئے اہم ملک ہے، وہ نیوٹریشن کے حوالے سے فنڈ قائم کرنا چاہتی ہیں۔

معاون خصوصی صحت کا کہنا تھا کہ وزیراعظم کی ہدایت پر538ارب لاگت کاجامع پروگرام ترتیب دیا ، نیوٹریشن،اسٹنٹگ کے حوالے سے صوبوں سے ملکر کام کر رہے ہیں، اردن کی شہزادی نے غذا کی کمی کو دور کرنے کے حوالے سے تعاون کا یقین دلایا۔

شہزادی سارازید نے کہا اسلامک بینک ڈویلپمنٹ کےتعاون سے وسائل فراہم کئے جائیں گے جبکہ ورلڈ فوڈ پروگرام نے غذائیت کی کمی کو دور کرنے کیلئے بھی اپنے تعاون کا یقین دلایا۔

fb-share-icon0
Tweet 20

Comments

comments

یہ بھی پڑھیں