روزانہ تقریباً ایک ہی جیسی گوشت سبزی کی ڈشز کھا کر بوریت کا احساس ہونے لگتا ہے اسی لیے آج ہم دستر خوان کو کچھ منفرد بنانے کے لیے زعفرانی پائے بنانے کی ترکیب بتا رہے ہیں۔
اجزا
پایا (ابلا ہوا): 1 عدد
تیل: 1 کپ
پیاز: 2 عدد
دہی: 125 گرام
نمک: حسب ذائقہ
دھنیہ (پسا ہوا): ڈیڑھ چائے کا چمچ
لال مرچ: 2 چائے کے چمچ
جائفل: آدھا چائے کا چمچ
جاوتری: آدھا چائے کا چمچ
ہلدی: آدھا چائے کا چمچ
زعفران: آدھا چائے کا چمچ
ادرک لہسن کا پیسٹ: 1 کھانے کا چمچ
یخنی: 6 کپ
گرم مصالحہ: ڈیڑھ چائے کا چمچ
چھوٹی الائچی: 4 عدد
کالا زیرہ: 1 چائے کا چمچ
ہرا دھنیہ: گارنش کے لیے
ہری مرچ: گارنش کے لیے
لیموں: گارنش کے لیے
ادرک: گارنش کے لیے
پودینہ: گارنش کے لیے
ترکیب
سب سے پہلے تیل گرم کر کے اس میں پیاز براؤن کریں۔
اب دہی میں نمک، دھنیہ، لال مرچ، جائفل، جاوتری، ہلدی، زعفران اور ادرک لہسن کا پیسٹ ڈال کر مکس کریں اور تلی پیاز میں ملاکر بھون لیں۔
اب اس میں پائے شامل کر کے خوب اچھی طرح بھونیں۔
اب یخنی ڈال کر آدھے گھنٹہ ہلکی آنچ پر پکائیں۔
پھر چولہا بند کر کے اس میں گرم مصالحہ، چھوٹی الائچی اور کالا زیرہ کوٹ کر شامل کر دیں۔
آخر میں اسے ڈش میں نکال کر ہرا دھنیہ، ہری مرچ، لیموں، ادرک اور پودینے سے گارنش کر کے سرو کردیں۔
