The news is by your side.

Advertisement

ایئر چیف مارشل ظہیر احمد بابر نے پاک فضائیہ کی کمانڈ سنبھال لی

اسلام آباد: ایئر چیف مارشل ظہیر احمد بابر سدھو نے 23 ویں سربراہ کی حیثیت سے آج ایئر ہیڈ کوارٹرز اسلام آباد میں منعقدہ تبدیلئ کمانڈ کی باوقار تقریب میں پاک فضائیہ کی کمانڈ سنبھال لی۔

اے آر وائی نیوز کے مطابق تبدیلئ کمانڈ کی تقریب کے موقع پر پاک فضائیہ کے ایک چاق و چوبند دستے نے سُبک دوش ہونے والے سربراہ ایئر چیف مارشل مجاہد انور خان کو سلامی پیش کی۔

تقریب کے دوران سُبک دوش سربراہ پاک فضائیہ ایئر چیف مارشل مجاہد انور خان نے ایئر چیف مارشل ظہیر احمد بابر سدھو کو کمانڈ کی اعزازی شمشیر دی اور ایئر چیف مارشل کے رینک بھی لگائے۔

چار JF-17 تھنڈر طیاروں کی فارمیشن نے سُبک دوش ہونے والے ایئر چیف کو الوداعی سلامی پیش کی۔

اس موقع پر سُبک دوش ہونے والے ایئر چیف مارشل مجاہد انور خان نے کہا کہ یقینی طور پر دنیا کی ایک بہترین فضائیہ کی قیادت کرنا ایک ایسا اعزاز ہے جس کا کوئی نعم البدل نہیں۔

آپریشن سوئفٹ ریٹارٹ کے دوران حاصل ہونے والی کامیابی کا ذکر کرتے ہوئے انھوں نے کہا کہ الحمد للہ، پاک فضائیہ نے ایک بار پھر قوم کی امنگوں پر پورا اترتے ہوئے اپنے نیلے آسمان کی محافظ ہونے کا ثبوت دیا، ہمارے بر وقت اور مکمل جانچے ہوئے جواب نے دشمن کو نا قابل فراموش سبق سکھایا۔

پاک فضائیہ کے ایئر مارشل ظہیر احمد بابر نئے ایئر چیف مقرر

سُبک دوش ایئر چیف نے کہا پاک فضائیہ نے ترقی کی جانب پیش قدمی جاری رکھتے ہوئے اپنے ”نیکسٹ جنریشن ایئر فورس2047“ کے وژن کو جدت کے ساتھ جاری رکھا ہوا ہے۔

نئے سربراہ کو مبارک باد دیتے ہوئے انھوں نے کہا میرے جانشین غیر معمولی قائدانہ اور پیشہ ورانہ خصوصیات کے حامل ہونے کے ساتھ ساتھ ایک بہترین انسان بھی ہیں۔

Comments

یہ بھی پڑھیں