The news is by your side.

Advertisement

زاہد محمود اکیلے جہاز میں سفر کرنے سے گھبرا گئے

کراچی: قومی ٹیم کے لیگ اسپنر زاہد محمود کی جنوبی افریقہ روانہ نہ ہونے کی اندرونی کہانی سامنے آگئی۔

اے آر وائی نیوز کی رپورٹ کے مطابق ذرائع کا کہنا ہے کہ لیگ اسپنر زاہد محمود تنہا جہاز میں سفر کرنے سے گھبرا گئے، لیگ اسپنر نے کہا کہ کبھی بیرون ملک سفر نہیں کیا، اکیلا نہیں جاسکتا۔

ذرائع کا کہنا ہے کہ زاہد محمود کی درخواست پر بورڈ نے ٹیسٹ اسکواڈ کے ساتھ بھیجنے کا فیصلہ کیا، اب زاہد محمود 21 اپریل کو ٹیسٹ اسکواڈ کے ساتھ زمبابوے روانہ ہوں گے۔

مزید پڑھیں: ٹی ٹوینٹی سیریز: زاہد محمود کی زمبابوے روانگی میں تاخیر

یاد رہے کہ قومی ٹیم کے آل راؤنڈر شاداب خان کی جگہ لیگ اسپنر زاہد محمود کو دورہ زمبابوے کے لیے قومی ٹی ٹوینٹی اسکواڈ میں شامل کیا گیا ہے۔

شاداب خان جنوبی افریقہ کے خلاف پہلے ون ڈے میچ میں انجرڈ ہوئے تھے ڈاکٹرز نے انہیں چار ہفتے آرام کا مشورہ دیا تھا۔

پاکستان اور زمبابوے کے درمیان تین میچوں پر مشتمل ٹی ٹوینٹی سیریز 21 سے 25 اپریل تک ہرارے میں کھیلی جائے گی۔

Comments

یہ بھی پڑھیں