زین قتل کیس : مقدمے کا ایک اور گواہ منحرف، تعداد چودہ ہوگئی -
The news is by your side.

Advertisement

زین قتل کیس : مقدمے کا ایک اور گواہ منحرف، تعداد چودہ ہوگئی

لاہور : سابق وزیر مملکت صدیق کانجو کے بیٹے مصطفی کانجو کے خلاف قتل کے مقدمے میں ایک اور گواہ منحرف ہوگیا اور مدعی سمیت منحرف گواہوں کی تعداد چودہ ہوگئی.

انسداد دہشت گردی کی خصوصی عدالت کے روبرو مصطفی کانجو سمیت پانچ گواہوں کو عدالت میں پیش کیا گیا۔

عدالت نے مقدمے کے گواہ فہد سہیل کا بیان ریکارڈ کیا. گواہ فہد سہیل نے عدالت کو بتایا کہ وہ فائرنگ کے وقت موقع پر موجود نہیں تھا اس لئے اسے معلوم نہیں کہ فائرنگ کس نے کی اس لیے وہ فائرنگ کرنے والے کی شناخت نہیں کرسکتا۔

عدالت نے گواہ کا بیان ریکارڈ کرنے کے لئے اکیس اکتوبر کی تاریخ مقرر کی. فہد سہیل سے پہلے مقدمہ کے مدعی سہیل افضل سمیت بارہ گواہ اپنے بیان سے منحرف ہو چکے ہیں۔

مصطفی کانجو سمیت پانچ افراد پر زین نامی طالبعلم کو فائرنگ کرکے قتل کرنے کا الزام ہے۔

Comments

comments

یہ بھی پڑھیں