زین قتل کیس: ملزم مصطفی کانجو کی درخواست ضمانت پر فیصلہ محفوظ -
The news is by your side.

Advertisement

زین قتل کیس: ملزم مصطفی کانجو کی درخواست ضمانت پر فیصلہ محفوظ

لاہور : انسداد دہشت گردی عدالت نے زین قتل کیس کی سماعت اٹھائیس ستمبر تک ملتوی کردی جبکہ ملزم مصطفی کانجو کی درخواست ضمانت پر فیصلہ محفوظ کرلیا گیا۔

تفصیلات کے مطابق انسداد دہشت گردی عدالت نے کیس کی سماعت شروع کی تو مصطفی کانجو سمیت ملزمان کو کڑی سکیورٹی میں عدالت میں پیش کیا گیا۔

مصطفی کانجوکی درخواست ضمانت پر وکیل نے دلائل دیئے کہ مقدمے کے مدعی اور گواہوں سمیت کسی نے بھی واقعے کا ذمہ مصطفی کانجو کو قرار دیا نہ بطور ملزم اس کی شناخت کی۔

کوئی ثبوت اورگواہ نہ ہونے کے باوجود اسے قید میں رکھنا بنیادی حقوق کی خلاف ورزی ہے، سرکاری وکیل نے بتایا کہ مصطفی کانجو زین قتل کیس میں ملوث ہے، مقدمے کے مدعی اور گواہان اپنے بیانات سے منحرف ہوئے، جس کی وجہ سے ان کے خلاف مقدمات بھی درج ہیں۔

لہٰذا عدالت درخواست ضمانت مسترد کرے، عدالت نے وکلاء کے دلائل سننے کے بعد مصطفیٰ کانجو کی درخواست ضمانت پر فیصلہ محفوظ کرلیا، جبکہ زین قتل کیس کی سماعت اٹھائیس ستمبر تک ملتوی کرتے ہوئے گواہوں کو شہادتوں کے لئے طلب کرلیا ہے۔

Comments

comments

یہ بھی پڑھیں