کراچی: معروف پاکستانی اسپورٹس جرنلسٹ زینب عباس دلہن بننے کے باوجود بھی کرکٹ کی دنیا سے دور نہ رہ سکیں اور انہوں نے ازدواجی زندگی کا آغاز بلا ہاتھ میں لے کر کیا۔
تفصیلات کے مطابق حال ہی میں ازدواجی بندھن میں بندھنے والی صحافی زینب عباس اپنی شادی میں دلہن کے روپ میں بلا ہاتھ میں تھام کر آئیں اور منفرد انداز سے انٹری دی جو سوشل میڈیا پر وائرل ہوگئی۔
زینب عباس کھیلوں اور بالخصوص کرکٹ ٹورنامنٹ کو کورر کرتی ہیں انہوں نے مختصر عرصے میں اپنی صلاحیتوں کی بنیاد پر بین الاقوامی میڈیا تک رسائی حاصل کی اور ورلڈ کپ میں بھی ذمہ داریاں انجام دیں۔
پی ایس ایل کی رپورٹنگ سے شہرت کی بلندیوں تک پہنچنے والی زینب نے اپنی شادی میں بھی پیشے سے محبت کا اظہار کیا اور انٹری میں اسپورٹس کا رنگ بھر دیا۔
اُن کی انٹری کے وقت کوئی پس منظر میں کوئی رومانوی گانا نہیں بلکہ پی ایس ایل کا ہی ترانہ بج رہا تھا۔
زینب عباس کے ساتھ اُن کے رشتے داروں نے ہاتھوں میں کرکٹ بیٹ اٹھا رکھے تھے جبکہ دلہن کے ہاتھ میں بھی بیٹ تھا، اسٹیج پر آنے سے پہلے رشتے داروں نے انہیں کرکٹرز کی طرح سلامی دی اور پھر زینب نے پنڈال میں ایک بال بھی کھیلی۔
یاد رہے کہ زینب عباس کا نکاح نامور کرکٹر عبدالحفیظ کاردر کے صاحبزادے حمزہ کے ساتھ رواں ہفتے ہوا، اسپورٹس جرنلسٹ نے اپنی شادی کی تصاویر سماجی رابطے کی ویب سائٹ پر شیئر کیں۔
