site
stats
پاکستان

شریعت کے مطابق ملزم کوسرعام سزادی جائے،والد زینب

قصور : قاتل کی گرفتاری کے بعد زینب کے والد نے مطالبہ کیا ہے کہ شریعت کے مطابق ملزم کو سرعام سزادی جائے، پوری دنیا ملزم کو سرعام پھانسی دینے کا مطالبہ کررہی ہے۔

تفصیلات کے مطابق قاتل کی گرفتاری کے بعد ننھی زینب کے والد امین انصاری کا کہنا ہے کہ ملزم نےگرفتاری کےبعد ہارٹ اٹیک کاڈرامہ کیا، محلےکی ایک خاتون نےملزم پرشک کااظہارکیا تھا، خاتون کی نشاندہی پرپولیس کوملزم کے خلاف تفتیش کا کہا تھا۔

زینب کے والد کا کہنا تھا کہ جےآئی ٹی سمیت تمام اداروں سےمکمل معاونت کی، تمام اداروں کی مشترکہ کاوش سےملزم پکڑاگیا، ملزم کی گرفتاری کیلئےتمام اداروں نے دن رات محنت کی۔

امین انصاری نے مطالبہ کیا کہ پوری دنیا ملزم کوسرعام پھانسی دینے کا مطالبہ کررہی ہے، شریعت کےمطابق ملزم کوسرعام سزادی جائے۔


مزید پڑھیں : ننھی زینب کاقصورکیاتھا، اللہ سے دعا ہے کسی کو بھی ایسی اذیت میں نہ ڈالے، والد زینب


اس سے قبل زینب کے والد کا کہنا تھا کہ حکومت پنجاب ایک قاتل کی گرفتاری پر جشن منانے پر بیٹی کے اس دنیا سے جانے کا غم کیا کم تھا کہ تالیاں بجا کر والد کے زخموں پر نمک چھڑک دیا گیا۔

انھوں نے کہا کہ موقع ایسا نہیں تھا کہ تالیاں بجائی جاتیں، خود پریس کانفرنس کرکے مجھے اپنے ساتھ لے گئے، مجھے پوری بات کرنے کا موقع نہیں دیا اور میرا مائیک بند کردیا گیا۔

واضح رہے کہ شہباز شریف نے متقولہ زینب کے قاتل کی گرفتاری کے بعد پریس کانفرنس کرتے ہوئے کیس کی تحقیقات میں اچھی کارکردگی کا مظاہرہ کرنے والے پولیس افسران اور دیگر اہلکاروں کیلئے تالیاں بجوائی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top