جہاں عمران نے میری بیٹی کو مارا وہیں اس کو سز اد ی جائے ،والد زینب
The news is by your side.

Advertisement

جہاں عمران نے میری بیٹی کو مارا وہیں اس کو سزا دی جائے ،والد زینب

قصور : ننھی زینب کے والد کا کہنا ہے کہ جہاں عمران نےمیری بیٹی کو مارا وہیں اس کو سزا دی جائے ، اس طرح کےمجرم کوسر عام سزائےموت دی جائے، کسی این جی او کی پرواہ نہیں کی جائے ، بچے بچیوں کو محفوظ کیا جائے۔

تفصیلات کے مطابق ننھی زینب کے والد امین انصاری نے مطالبہ کیا ہے کہ جہاں عمران نےمیری بیٹی کو مارا وہیں اس کو سزا دی جائے، آج کا فیصلہ صرف زینب کے حوالے سے تھا ، باقی بچیوں کے حوالے سے ابھی فیصلہ نہیں آیا۔

امین انصاری کا کہنا تھا کہ حکومت سےگزارش ہےکہ آئین سازی کی جائے ، اس طرح کےمجرم کوسر عام سزائےموت دی جائے، سیکشن 22 اے میں لکھاہے حکومت چاہے تو سزا سرعام دے سکتی ہے۔

انھوں نے مزید کہا کہ کسی این جی او کی پرواہ نہیں کی جائے ، بچے بچیوں کو محفوظ کیا جائے۔


مزید پڑھیں : قاتل کو سزاسنائے جانے پر100فیصد مطمئن ہوں، والد زینب


اس سے قبل زینب کے والد امین انصاری نے قاتل عمران کو سزا سنائے جانے پر اطمینان کا اظہار کرتے ہوئے کہا تھا کہ قاتل کو سزا سنائے جانے پر100فیصد مطمئن ہوں، چاہتے تھے مجرم کو سرعام پھانسی ملے، ہمارا سرعام پھانسی کا مطالبہ جائز تھا۔

والد زینب کا کہنا تھا کہ خواہش ہے سزا پر عملدرآمد دنیا دیکھے، زینب کے واقعے نے پوری دنیا کو ہلا کر رکھ دیا تھا، دنیا بھر سے لوگوں نے بھی سرعام پھانسی کا مطالبہ کیا تھا، چیف جسٹس سپریم کورٹ اورعدلیہ کا مشکور ہوں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں