ننھی زینب کے قاتل کی آخری وصیت منظر عام پر آ گئی
The news is by your side.

Advertisement

ننھی زینب کے قاتل کی آخری وصیت منظر عام پر آگئی

لاہور: ننھی زینب کے قاتل کی آخری وصیت منظر عام پر آ گئی، جس میں عمران نے خاندان سے معافی مانگی اور کہا میں اپنے کئے پر نادم ہوں اگر زندگی وفا کرتی تو االلہ سے معافی مانگتا، میرے ورثا کو تنگ نہ کیا جائے۔

تفصیلات کے مطابق قصور کی ننھی زینب کے قاتل کی آخری وصیت سامنے آ گئی ، قاتل عمران نے وصیت میں خاندان کو آخری سلام بھیجا اور ان سے معافی مانگی ۔

وصیت میں عمران نے کہا کہ میرے جانے کے بعد میرے گھر والوں کو تنگ نہ کیا جائے اوراس کے گھرانے کو اپنے گھر میں رہنے دیا جائے کیوں میرے اس عمل میں گھر والوں کا کوئی قصور نہیں ۔

قاتل عمران کا کہنا تھا کہ میں اپنے کئے پر نادم ہوں اگر زندگی وفا کرتی تو االلہ سے معافی مانگتا مجھ سے عبرت حاصل کی جائے اور کوئی بھی میری طرح کا جرم نہ کرے۔

یاد رہے گذشتہ روز معصوم زینب کے سفاک قاتل عمران کو کوٹ لکھپت سینٹرل جیل میں مجسٹریٹ عادل سرور اور زینب کے والد محمد امین کی موجودگی میں صبح ساڑھے پانچ بجے تختہ دار پر لٹکایا گیا تھا۔

مزید پڑھیں : قصور کی ننھی زینب کا قاتل عبرتناک انجام کو پہنچا، مجرم عمران علی کو پھانسی دے دی گئی

پھانسی سے پہلے عمران کا طبی معائنہ کیا گیا تھا اور ورثا سے آخری ملاقات کرائی گئی، پھانسی کے بعدمیڈیکل آفیسرکی رپورٹ کے ساتھ لاش ورثا کے حوالے کردی گئی تھی۔

زینب کی والدہ کا کہنا ہے زینب کا قاتل دنیا کی عدالت سے نکل کر خدا کی عدالت میں پہنچ گیا ۔

خیال رہے مجرم عمران پر زینب سمیت 8 بچیوں سے زیادتی کا الزام تھا جس پر اسے مجموعی طور پر اکیس مرتبہ سزائے موت سنائی گئی تھی۔

Comments

comments

یہ بھی پڑھیں