سیکیورٹی فراہم نہ کرنے پرزائرین کا کوئٹہ میں دھرنا -
The news is by your side.

Advertisement

سیکیورٹی فراہم نہ کرنے پرزائرین کا کوئٹہ میں دھرنا

کوئٹہ: زیارتوں کیلئے ایران جانے والے زائرین نے بلوچستان حکومت کا سیکیورٹی سے متعلق فیصلہ ماننے سے انکارکرتے ہوئے کوئٹہ میں دھرنا دے دیا ہے۔

تفصیلات کے مطابق طویل عرصے سے زیارتوں کے لئے جانے والے زائرین کی بسوں پر پیش آنے والے دہشتگردی کے پے در پے واقعات کے بعد بلوچستان حکومت کی جانب سے فیصلہ کیا گیا تھا کہ مہینے میں دو روز آنے جانے کے لئے زائرین کو سیکورٹی فراہم کی جائے گی۔

تاہم بلوچستان شعیہ کانفرنس کے رہنما کے مطابق اس حکومتی فیصلے کے بعد گزشتہ دو ماہ کے دوران زیارتوں کے لئے زائرین نہیں جاسکے اور سیکیورٹی فراہم کرنے سے متعلق حکومتی احکامات کے انتظار میں ہیں۔


بلوچستان نے شیعہ زائرین کی نقل وحمل پرپابندی لگادی


زائرین کے ساتھ اس حکومتی رویے کے خلاف اور سفر کی اجازت نہ ملنے پر زائرین کا احتجاج گزشتہ روز شروع ہوا اورآج بھی جاری ہے۔

زائرین کے دھرنے میں خواتین اور بچوں کی بڑی تعداد موجود ہے جو شدید سردی میں کھلے آسمان تلے بیٹھے ہوئے ہیں۔

زائرین نے صوبائی حکومت سے مطالبہ کیا ہے کہ انہیں زیارتوں کے لئے جانے کی اجازت دی جائے ، بصورت دیگر اُن یہ دھرنا جاری رہے گا۔

Comments

comments

یہ بھی پڑھیں