چیئرمین پی سی بی مینجمنٹ کمیٹی ذکااشرف نے سابق ٹیسٹ کرکٹرز سے ملاقات کر کے کرکٹ کی بہتری کے حوالے سے تجاویز طلب کی ہیں۔
پی سی بی کے مطابق ذکااشرف سے ملاقات میں چیف سلیکٹرانضمام الحق، سابق کرکٹر محمد یوسف، سابق فاسٹ بالرعاقب جاوید شامل تھے۔
ملاقات میں پلئیرز ڈویلپمنٹ پروگرام کے حوالے سے تجاویز دی گئیں جب کہ مستقبل میں باصلاحیت کھلاڑیوں کی تلاش کیلئے کیمپس کی تجویز بھی دی گئی۔
ذکااشرف آئندہ ملاقات سابق کپتان وسیم اکرم، وقاریونس اور عمرگل سے بھی کریں گے۔
چیئرمین پی سی بی مینجمنٹ کمیٹی کا کہن اہے کہ ان تمام کرکٹرز نے اعلیٰ سطح پر پاکستان کرکٹ کی نمائندگی کی ہے سابق کرکٹرز کے تجربے سے پاکستان کرکٹ میں بہتری لائیں گے۔
ذکا اشرف نے سابق کھلاڑیوں کی مہارت کو شامل کرنے پر بورڈ کی توجہ پر زور دیا جنہوں نے مختلف صلاحیتوں میں پاکستان کی نمائندگی کی ہے تاکہ کھلاڑیوں کو خصوصی بلے بازوں، اسپنرز اور تیز گیند بازوں کے طور پر تیار کرنے میں مدد کی جا سکے۔
مستقبل میں، نیشنل کرکٹ اکیڈمی ڈومیسٹک سرکٹ کے ٹاپ ٹیلنٹ کے ساتھ ایک خصوصی کیمپ منعقد کرنے کا ارادہ رکھتی ہے۔ اس کیمپ کا بنیادی مقصد ان کھلاڑیوں کی پرورش کرنا اور انہیں بین الاقوامی اسٹیج کے لیے تیار کرنا ہے تاکہ ڈومیسٹک اور انٹرنیشنل کرکٹ کے درمیان فرق کو ختم کیا جا سکے۔
ذکااشرف کا کہنا تھا کہ ہم امید کرتے ہیں کہ کھیل کے تمام شعبوں میں ایسے کھلاڑی پیدا کر سکیں گے جو مستقبل میں پاکستان کی خدمت کر سکیں۔
