اسلام آباد: وزیر خارجہ شاہ محمود قریشی سے امریکی نمائندہ خصوصی زلمے خلیل زاد کی ملاقات ہوئی، دونوں رہنماؤں نے مستقبل میں تعاون پر اتفاق کیا۔
تفصیلات کے مطابق وزرات خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ وزیر خارجہ شاہ محمود قریشی سے امریکی نمائندہ خصوصی کی ملاقات ہوئی۔
Zalmay Khalilzad calls on Foreign Minister in MOFA today pic.twitter.com/HkbMelqlbG
— Dr Mohammad Faisal (@DrMFaisal) October 9, 2018
امریکی نمائندہ خصوصی زلمے خلیل زاد نے شاہ محمود قریشی کو دورہ کابل سے متعلق آگاہ کیا۔ دونوں رہنماؤں نے مستقبل میں تعاون پر بھی اتفاق کیا۔
اس موقع پر وزیر خارجہ شاہ محمود قریشی کا کہنا تھا کہ پاکستان افغانستان میں قیام امن کے لیے کاوشوں کا خیر مقدم کرتا ہے، افغانستان تنازعہ کے سیاسی حل کے لیے پاکستان کردار ادا کرتا رہا ہے۔
شاہ محمود قریشی کا کہنا تھا کہ افغانستان مسئلے کے حل کے لیے پاکستان بھرپور کردار ادا کرتا رہے گا۔
اس سے قبل زلمے خلیل زاد کی وزارت خارجہ آمد پر سیکریٹری خارجہ تسنیم اسلم نے ان کا استقبال کیا، بعد ازاں دونوں کے درمیان وفود کی سطح پر مذاکرات بھی ہوئے۔
Zalmay Khalilzad calls on the Foreign Secretary at MOFA today pic.twitter.com/kj8baXDc3Z
— Dr Mohammad Faisal (@DrMFaisal) October 9, 2018
FS and Zalmay Khalilzad meeting in MOFA today pic.twitter.com/gwf5ZGIbLr
— Dr Mohammad Faisal (@DrMFaisal) October 9, 2018
اے آر وائی نیوز کی ڈیجیٹل ڈیسک کی جانب سے شائع کی گئی خبریں