The news is by your side.

Advertisement

افغان مسئلے کا سیاسی حل ملک کو دہشت گردی سے محفوظ رکھے گا، زلمے خلیل زاد

واشنگٹن: امریکی نمائندہ خصوصی برائے افغان مفاہمتی عمل زلمے خلیل زاد کا کہنا ہے کہ افغان مسئلے کا سیاسی حل ملک کو دہشت گردی سے محفوظ رکھے گا، سیاسی حل سے2 دہائیوں سے افغانستان کی رکی ترقی کا عمل شروع ہوگا۔

تفصیلات کے مطابق زلمے خلیل زاد نے نئے امریکی چیئرمین جوائنٹ چیفس آف اسٹاف جنرل ملی سے ملاقات میں افغانستان کی موجودہ صورت حال سمیت دیر امور پر تبادلہ خیال کیا۔

اس موقع پر زلمے خلیل زاد نے کہا کہ افغان مسئلے کا سیاسی حل ملک کو دہشت گردی سے محفوظ رکھے گا، سیاسی حل سے جنگ کا بوجھ کم ہوگا۔

امریکی نمائندہ خصوصی برائے افغان مفاہمتی عمل نے کہا کہ سیاسی حل سے2دہائیوں سےافغانستان کی رکی ترقی کاعمل شروع ہوگا، افغان مسئلے کا سیاسی حل افغانستان کے مفاد میں ہے۔

واضح رہے افغانستان میں امن کے لئے امریکا اورافغان طالبان کے درمیان امن مذاکرات دوحہ میں ہورہے تھے جو کچھ عرصے سے تعطل کا شکار ہیں، افغانستان میں حملے میں امریکی فوجی کی ہلاکت پر امریکی صدر نے مذاکرات معطل کردیئے تھے۔

بعدازاں طالبان نے امریکی صدر ٹرمپ کو پیغام دیا تھا کہ مذاکرات کے لیے ہمارے دروازے کھلے ہیں ، ہم امید کرتے ہیں مذاکرات سے متعلق اپنے فیصلے پر نظر ثانی کریں گے۔

Comments

comments

یہ بھی پڑھیں