site
stats
کھیل

غیرملکی کرکٹر کی جانب سے آرمی چیف کا شکریہ

لاہور : غیر ملکی کرکٹر کی جانب سے پاک فوج کا شکریہ گیا گیا ، پشاور زلمی کے کپتان سیمی نے آرمی چیف کا شکریہ ادا کیا، مارلن سیمیولز نے جنرل قمر باجوہ کو سیلوٹ کیا، انہوں نے کہا میں جمیکن فوج میں ہوں، موقع ملا تو پاک فوج میں شامل ہونا چاہوں گا۔

لاہورمیں ہونے والے پی ایس ایل فائنل نے پاکستانی کرکٹ شائقین کا کئی سال کا انتظار ختم کردیا ، غیر ملکی کھلاڑی اپنے وطن واپس چلے گئے مگر دل یہیں چھوڑ گئے ۔

آرمی چیف کی حوصلہ افزائی پر پشاور زلمی کے کپتان ڈیرن سیمی اور ڈیوڈ میلان نے ٹوئیٹر پر جنرل قمر جاوید باجوہ کا شکریہ ادا کیا۔

کیریبین آل راؤنڈر مارلون سیمیولز نے اپنے ویڈیو پیغام میں کہا کہ انہیں پاکستان میں زبردست سیکیورٹی ملی، انہوں نے پاک آرمی کو سلام پیش کیا، اور ساتھ ہی پاک فوج میں شمولیت کی خواہش بھی ظاہر کردی۔

سیمیولز نے امید ظاہر کی کہ پاکستان میں جلد انٹریشنل کرکٹ بحال ہوگی، انہوں نے جلد پاکستان آنے کا عزم بھی ظاہرکیا۔

انگلش کرکٹر ڈیوڈ میلان نے کہا آرمی چیف کا کھلاڑیوں کیلئے بیان اعزاز کی بات ہے، پاک آرمی نے فائنل کیلئے بہترین اقدامات کیے، پاکستان میں انٹرنیشنل کرکٹ بحالی کیلئے پہلے قدم کا حصہ بننے پر خوشی ہے۔

آرمی چیف جنرل قمر جاوید باجوہ نے پی ایس ایل ٹو کی فاتح ٹیم پشاور زلمی سے ملاقات

یاد رہے دو روز قبل آرمی چیف جنرل قمر جاوید باجوہ نے پی ایس ایل ٹو کی فاتح ٹیم پشاور زلمی سے ملاقات کی، آرمی چیف جنرل قمر باجوہ نے پشاور زلمی کو پی ایس ایل ٹو کا چیمپئن بننے پر مبارک باد دیتے ہوئے کہا کہ پاکستان کے عوام کھیلوں سے محبت کرنے والے ہیں اور پاکستانیوں میں مقبول ترین کھیل کرکٹ نے قوم کو متحد کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top