ابوظبی: ملتان سلطانز نے پی ایس ایل کے فائنل میں پشاور زلمی کو 47 رنز سے شکست دے کر پہلی بار پی ایس ایل کا ٹائٹل اپنے نام کرلیا۔
تفصیلات کے مطابق ابوظبی کے شیخ زید اسٹیڈیم میں کھیلے جانے والے فائنل میچ میں پشاور زلمی کی ٹیم سلطانز کی جانب سے دیے جانے والے 207 رنز کے تعاقب میں مقررہ اوورز میں 9 وکٹوں کے نقصان پر 159 رنز بناسکی۔
شعیب ملک کی 48 رنز کی برق رفتار اننگز بھی پشاور زلمی کو شکست سے نہ بچاسکی۔
Air Imran is cleared for take off 🛫#HBLPSL6 | #MatchDikhao | #MSvPZ pic.twitter.com/EAqUNvKAZ2
— PakistanSuperLeague (@thePSLt20) June 24, 2021
حضرت اللہ ززئی 6 رنز بنا کر پویلین لوٹ گئے، جوناتھن ولز بھی 6 رنز پر رن آؤٹ ہوئے، رومن پاول 23 بنا کر مزرابانی کا نشانہ بنے، ردرفوڈ 18 رنز بنا کر کیچ آؤٹ ہوئے، وہاب ریاض بغیر کوئی رن بنائے پویلین لوٹ گئے۔
How @MultanSultans fans are feeling right now #MatchDikhao l #HBLPSL6 I #MSvPZ pic.twitter.com/E6QbOzywzX
— PakistanSuperLeague (@thePSLt20) June 24, 2021
محمد عمران بغیر کوئی رن بنائے آؤٹ ہوئے، عماد بٹ 7 رنز بناسکے۔
ملتان سلطانز کی جانب سے عمران طاہر نے تین کھلاڑیوں کو پویلین کی راہ دکھائی، مزرابانی اور عمران خان نے دو، دو وکٹیں حاصل کیں، سہیل تنویر ایک وکٹ حاصل کرسکے۔
ANOTHER TWIST!
Powell falls to @BMuzarabani! #HBLPSL6 | #MatchDikhao | #MSvPZ pic.twitter.com/AUI9AIK0qv
— PakistanSuperLeague (@thePSLt20) June 24, 2021
ملتان سلطانز نے پہلے بیٹںگ کرتے ہوئے مقررہ اوورز میں 4 وکٹوں کے نقصان پر 206 رنز بنائے اور پشاور زلمی کو جیت کے لیے 207 رنز کا ہدف دیا تھا۔
The BIGGEST total in the final in #HBLPSL history! Magnificent from @MultanSultans!#HBLPSL6 | #MatchDikhao | #MSvPZ pic.twitter.com/5H15K3zIxy
— PakistanSuperLeague (@thePSLt20) June 24, 2021
صہیب مقصود نے 26 گیندوں پر برق رفتار نصف سنچری اسکور کی، اوپنر شان مسعود اور کپتان محمد رضوان بالترتیب 37 اور 30 رنز بنا کر آؤٹ ہوئے۔
مڈل آرڈر بیٹسمین رلی روسو 50 رنز بنا کر آؤٹ ہوئے، جانسن چارلس بغیر کوئی رن بنائے پویلین لوٹ گئے، صہیب مقصود نے 65 رنز کی ناٹ آؤٹ اننگز کھیلی۔
These are some scary 😱 shots!#HBLPSL6 | #MatchDikhao | #MSvPZ pic.twitter.com/fWhGamYYcL
— PakistanSuperLeague (@thePSLt20) June 24, 2021
پشاور زلمی کی جانب سے محمد عمران اور ثمین گل نے دو، دو وکٹیں حاصل کیں۔
زلمی کے کپتان وہاب ریاض نے ملتان سلطانز کو بیٹںگ کی دعوت دی تھی۔
زلمی کے کپتان وہاب ریاض نے بتایا کہ ٹیم میں ایک تبدیلی کی گئی ہے عمید آصف کی جگہ فاسٹ بولر ثمین گل کو شامل کیا گیا ہے۔
Outta here! 🙌🏼 #HBLPSL6 | #MatchDikhao | #MSvPZ pic.twitter.com/LNVBebfZSc
— PakistanSuperLeague (@thePSLt20) June 24, 2021
سلطانز کے کپتان رضوان کا کہنا تھا کہ ٹیم میں کوئی تبدیلی نہیں کی گئی ہے۔
ہیڈ ٹوہیڈ مقابلوں میں ملتان سلطانز کو برتری حاصل ہے، دونوں ٹیموں کے درمیان اب تک مجموعی طورپرآٹھ میچز کھیلے گئے،جن میں سے پانچ میں ملتان سلطانز نے کامیابی حاصل کی۔
So it’s the final toss of #HBLPSL6 and @PeshawarZalmi have won it. @MultanSultans will set the target. Here are the two sides.#HBLPSL6 | #MatchDikhao | #MSvPZ pic.twitter.com/X02xR9yySm
— PakistanSuperLeague (@thePSLt20) June 24, 2021
پی ایس ایل سیزن 6 میں دونوں ٹیمیں دو بار مدمقابل آئیں، ایک میں سلطانز جیتے تو دوسرے میں زلمی نے بازی ماری
حمد رضوان کا کہنا تھا کہ میچز سے قبل میٹنگ میں سب لڑکوں پر واضح کیا تھا کہ چاہے سارے میچز ہار جائیں، کوئی پروا نہیں کرنی، اپنے نیچرل انداز سے کھیلنا ہے
پشاور زلمی کے کپتان وہاب ریاض کا کہنا ہے کہ ایونٹ میں جتنا پریشر لینا تھا وہ لے چکے اور اب فائنل میں بغیر کوئی پریشر کے کھیل کو انجوائے کریں گے۔
