The news is by your side.

عازمین حج کیلیے زم زم سے متعلق اہم خبر

سعودی عرب میں آب زم زم تقیسم کار کمپنی نے رواں سال عازمین حج کے لیے اپنا آپریشن تیار کر لیا ہے۔

اس سے عازمین حج کو زم زم کی چھوٹی بوتیلیں فراہم کی جائیں گی۔ الزمزمہ کمپنی کے مطابق عازمین کی سہولت اور رسائی کے لیے 20 لیٹر کی بجائے 330 ملی لیٹر والی بوتلیں فراہم کی جائیں گی۔

مکہ کے داخلی راستوں پر عازمین کو زم زم کی فراہمی کے لیے مقامات کی تیاری کر لی گئی ہے جہاں ہر زائر کو زم زم کی دو چھوٹی بوتلیں دی جائیں گی۔

کمپنی کے بورڈر آف ڈائریکٹر کے رکن حسن محمود ابو الفراج کا کہنا ہے کہ منصوبے کے پہلے حصے میں مکہ آنے والے ہر زائر کو زم زم فراہم کیا جائے گا تاکہ انہیں پہلا پانی زم زم کی صورت میں مل سکے۔

دوسرے حصے میں کمپنی زائرین کی رہائش میں 330 ملی لیٹر زم زم کی بوتلیں تقسیم کرے گی جو ہر زائر کو روزانہ تین بوتلیں دستیاب ہوں گی۔

Comments

یہ بھی پڑھیں