The news is by your side.

Advertisement

زارا نعیم پاکستان کا فخر قرار

اسلام آباد: وفاقی وزیر برائے منصوبہ بندی نے ایسوسی ایشن آف چارٹرڈ سرٹیفائیڈ اکاؤنٹنٹس (اے سی سی اے) امتحان میں پوری دنیا میں سب سے زیادہ نمبر حاصل کرنے والی پاکستان طلبہ کے لئے نیک خواہشات کا اظہار کیا ہے۔

تفصیلات کے مطابق اسدعمر نے سماجی رابطے کی ویب سائٹ ٹوئٹر پر جاری اپنے بیان میں زارا نعیم کو زبردست خراج تحسین پیش کرتے ہوئے کہا کہ زارا نعیم پر فخر ہے ان کےلیے نیک خواہشات کا اظہار کرتا ہوں، ثابت ہوا کہ پاکستانی لڑکیوں کو برابر موقع ملے تو دنیا میں کسی کوبھی ہراسکتی ہیں۔

اس سے قبل حکومت پاکستان کے آفیشل ٹوئٹر اکاؤنٹ سے کی گئی ئوئٹ میں کہا گیا کہ ‘پاکستان کو فخر ہے کہ زارا نعیم کو اے سی سی اے میں سب سے زیادہ نمبر لینے پر گلوبل پرائز ونر قرار دیا گیا ہے ۔

واضح رہے کہ پاکستانی طالبہ زارا نعیم ڈار نے ایسوسی ایشن آف چارٹرڈ سرٹیفائیڈ اکاؤنٹنٹس کے دسمبر 2020 کے امتحان میں پوری دنیا میں سب سے زیادہ نمبر لے کر پاکستان کے لیے ایک اعزاز حاصل کیا، اس امتحان میں 179 ممالک کے 5 لاکھ 27 ہزار طلبا و طالبات شریک تھے جس میں زارا نعیم سرفہرست رہیں، ان کا تعلق لاہور سے ہے۔

پاکستانی طالبہ زارا نعیم کا کہنا تھا کہ اس مفروضے کو ختم کرنا چاہتی تھی کہ فنانس اور اکاؤنٹنسی صرف مردوں کے لئے ہے، اپنی کامیابی کا سہرا اپنے والد کو دیتی ہوں، وہ میرے لئے رول ماڈل ہیں، میں نے انہیں کامیابیاں حاصل کرتے دیکھا جس سے متاثر ہو کر میں ان کے نقشے قدم پر چلنے کی کوشش کی۔

ہونہار طالبہ کا کہنا تھا کہ تعلیم ایک ایسا خزانہ ہے جو انسان کو کندن بنا دیتا ہے، انسان فرش سے عرش پر پہنچ جاتا ہے، دنیا میں آج جو ترقی ہو رہی ہے، سب تعلیم ہی کی مرہون منت ہے۔

Comments

یہ بھی پڑھیں