پاکستانی شوبز انڈسٹری کی اداکارہ زارا نور عباس نے زندگی کے مشکل وقت سے گزرنے والوں کو مشورہ دے دیا۔
زارا نور عباس سوشل میڈیا پر کافی متحرک ہیں اور اکثر اپنا خیالات کا اظہار کھل کر کرتی ہیں۔ آج اداکارہ نے اپنی دو عدد تصاویر معنیٰ خیز کیپشن کے ساتھ شیئر کر دی۔
انہوں نے لکھا کہ زندگی اتنی آسان نہیں ہے جتنی سوشل میڈیا پر محسوس یا دکھائی دیتی ہے، ایسے ایام ہوتے ہیں جب دونوں پیروں پر کھڑا ہونا، بیٹھنا، کپڑے پہننا، مسکرانا، اپنے بالوں کو برش کرنا معمول ہو لیکن کسی اور کیلیے یہ بڑی نعمت بھی ہو سکتے ہیں۔
وہ لکھتی ہیں آپ کے اردگرد کے ایڈوائزرز بہت کچھ کہیں گے، وہ آپ کی رہنمائی کریں گے اور آپ کو زندگی گزارنے میں مدد کریں گے لیکن میں آپ کو ایک بات بتاتی ہوں کہ یہ آپ کی زندگی ہے جسے آپ جدوجہد کے ساتھ گزار رہے ہیں۔
زارا نور عباس نے لکھا کہ اپنی زندگی کے بارے میں آپ نے فیصلہ کرنا ہے، فیصلہ کرنے والی ذات صرف اللہ تعالیٰ کی ہے، وہ جانتا ہے کہ آپ کو کیا چاہیے اور ضرور ملے گا، سب اُس کے ساتھ جڑے رہیں۔
