The news is by your side.

Advertisement

زارا ترین نے شادی کے بعد شوہر کیساتھ نئی تصویر شیئر کردی

حال ہی میں رشتہ ازدواج میں منسلک ہونے والی معروف اداکارہ زارا ترین نے شوہر کے ساتھ نئی تصویر شیئر کردی۔

پاکستانی ڈرامہ انڈسٹری کی معروف اداکارہ زارا ترین نے فوٹو اور ویڈیو شیئرنگ ایپ انسٹاگرام پر شوہر فاران طاہر کے ہمراہ نئی تصویر شیئر کی جس میں وہ بے حد خوش نظر آرہی ہیں۔

اداکارہ نے تصویر شیئر کرتے ہوئے کیپشن لکھا کہ ’ہم ممکنہ طور پر آپ میں سے ہر ایک کو جواب نہیں دے سکتے جس نے ہمیں میسج کیا اور کال کی اور ہمیں غیر مشروط محبت بھیجی لیکن ہم دونوں کے لیے نیک خواہشات کا اظہار کرنے کے لیے آپ سب کے شکر گزار ہیں۔‘

زارا ترین نے لکھا کہ ’اس ہفتے کے بعد ہم جتنا ہوسکے مداحوں کو جواب دینے کی کوشش کریں گے۔

اداکارہ کا کہنا تھا کہ ہم اپنے رشتے داروں اور دوستوں کے شکر گزار ہیں جو ہمارے ساتھ خوشیوں میں شامل ہوئے، ہم آپ سے پیار کرتے ہیں اور اپنی زندگی کے خوبصورت باب کو شروع کررہے ہیں۔

واضح رہے اداکارہ زارا ترین اور فاران طاہر گزشتہ دنوں رشتہ ازدواج میں منسلک ہوئے، دونوں فنکاروں کی شادی کی تصاویر سوشل میڈیا پر وائرل ہوئی تھیں۔

یاد رہے کہ فاران طاہر پاکستانی اداکار نعیم طاہر اور یاسمین طاہر کے بیٹے ہیں جو لاس اینجلس میں پیدا ہوئے، فاران طاہر نے مشہور ہالی وڈ فلم اسٹار ٹریک، اسکیپ پلان اور آئرن مین میں اداکاری کے جوہر دکھائے ہیں۔

Comments

یہ بھی پڑھیں