site
stats
پاکستان

پاک فضائیہ کے سی ون تھرٹی نے ’رائل انٹرنیشنل ایئر ٹیٹو شو‘ جیت لیا

اسلام آباد: پاک فضائیہ کے سی 130 طیارے نے برطانیہ میں ہونے والے دنیا کے سب سے بڑے ائیر فورس شو فئیر فورڈ رائل انٹرنیشنل ائیر شو ٹیٹو جیت لیا.

تصیلات کےمطابق برطانیہ کے رائل ایئر فورس بیس فیئر فورڈ میں ہونے والے رائل انٹرنیشنل ایئر ٹیٹو شو 2016 میں پچاس ممالک کے 200 طیاروں نے حصہ لیا،جس میں پاکستان کی نمائندگی سی ون تھرٹی نے کی،اور بہترین طیارے کی ٹرافی اپنے نام کی.

ائیر شو میں شریک پاکستان ائیرفورس کا سی ون تھرٹی ائیرکرافٹ برطانوی شہریوں کی توجہ کا مرکز بنا رہا،جہاز کو دہشت گردی کے خاتمے کے مناظر اور آپریشن ضرب عضب کے مناظر کو پینٹ کرکے سجایاگیا تھا جبکہ پی اے ایف کی جانب سے جہاز پر مختلف دستاویزی فلموں اور پروموز دکھانے کا بھی اہتمام کیا گیا.

ائیرشو کی اختتامی تقریب میں پاک فضائیہ کے وائس چیف آف دی ایئر اسٹاف ایئر مارشل اسد لودھی نے شرکت کی اور پاک فضائیہ کے دستے کو کامیابی پر مبارکباد پیش کی.

پاک فضائیہ کی جانب سے جاری ہونے والے بیان میں مذکورہ کامیابی پر مبارکباد پیش کرتے ہوئے کہا گیا ہے کہ اس کامیابی سے دنیا میں پاکستان کا سوفٹ امیج پیش کرنے میں مدد ملے گی.

یاد رہے کہ اس سے قبل جولائی 2006 میں بھی پاک فضائیہ کے سی ون تھرٹی نےٹرافی اپنے نام کی تھی جبکہ اس کے علاوہ مذکورہ مقابلے کی تین اہم ٹرافیاں بھی پاکستان گذشتہ مقابلوں میں اپنے نام کرچکا ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top