site
stats
پاکستان

وفاق نےسندھ حکومت پرحملہ آورہوکرآئین کوپامال کردیا، آصف زرداری

کراچی: سابق صدرآصف زرداری نے کہا ہے کہ وفاق نے سندھ پرحملہ کرکے آئین کو پامال کردیا،صوبائی حکومت نے رینجرز کے اختیارات بڑھانے کو وفاق کی طرف سے صوبائی خودمختاری پرحملہ قراردے دیا۔

رینجرز کے معاملےمیں وفاق اورسندھ کی جنگ میں سابق صدرآصف زرداری بھی کود پڑےہیں، قائد اعظم کی یوم پیدائش کے اپنے پیغام میں انہوں نے وفاقی حکومت پرآئین کوپامال کرنے کاالزام لگادیا۔

آصف زرداری نے کہا کہ وفاق نے سندھ حکومت پر حملہ کرکے آئین کی حکمرانی کوپامال کردیا،آئین کو پامال کیاجاتارہاتوقوم عدم استحکام میں پھنس جائےگی ،عوام اپنی صفوں میں اتحادبرقراررکھیں۔

سابق صدر نے تمام فوجیوں،پولیس اہلکاروں اور عوام کو خراج عقیدت پیش کیا جنہوں نے انتہا پسندی اور دہشتگردی کے خلاف جدوجہد میں اپنی جانوں کا نذرانہ دیا، انھوں نے زور دیا کہ ان تمام اقدار کی حفاظت کریں جس کے لیے قائداعظم کی سربراہی میں یہ ملک بنا تھا۔

ادھرسندھ حکومت نے بھی وفاق کوسخت خط لکھ دیا، خط میں کہا گیا ہے کہ وفاق نے رینجرزکے اختیارات میں ازخود توسیع کرے سندھ کی خودمختاری پرحملہ کیا،وفاقی حکومت کااقدام آئین کے آرٹیکل ایک سوسینتالیس سے متصادم ہے،سندھ اس حکم کی پابندی نہیں کرسکتا۔

خط میں کہا گیا ہے کہ سندھ حکومت دہشتگردی کے خلاف لڑتی رہے گی،وفاقی حکومت مدد کرے یا نہ کرے یہ لڑائی جاری رہے گی۔ قائداعظم کےحکمرانی کےاصولوں پرکاربندرہیں،آصف علی زرداری انتہائی پسندی کوختم کرنےکیلئےجدوجہد کرتےرہیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top