سندھ کی سب سے بڑی بیماری آصف زرداری ہے: عمران خان -
The news is by your side.

Advertisement

سندھ کی سب سے بڑی بیماری آصف زرداری ہے: عمران خان

راولپنڈی: تحریک انصاف کے چیئرمین عمران خان نے طنز کے تیر چلاتے ہوئے کہا ہے کہ سندھ کی سب سے بڑی بیماری آصف زرداری ہیں۔ آصف زرداری کے خلاف ایک خصوصی پلان بنایا ہوا ہے۔ ان کا مزید کہنا تھا کہ سابق صوبائی وزیر شرجیل میمن کی گرفتاری خوش آئند ہے۔

تفصیلات کے مطابق تحریک انصاف کے چیئرمین عمران خان نے کہا کہ سندھ کی سب سے بڑی بیماری آصف زرداری ہیں۔ اندرون سندھ کھنڈر میں تبدیل ہوچکا ہے۔ سندھ اس لیے ترقی نہیں کر رہا کیونکہ سندھ پر پیسہ نہیں لگایا گیا۔

انہوں نے کہا کہ سندھ پر پیسہ خرچ کیا جاتا تو سندھ کا ایسا حال نہ ہوتا۔ سندھ کے وسائل سندھ کے لوگوں پر خرچ ہونے چاہئیں۔

عمران خان کا کہنا تھا کہ یہاں کے مسائل کو سمجھنے کے لیے سابق بیورو کریٹس سے ملاقات کر رہا ہوں۔

شرجیل میمن کی گرفتاری سے متعلق عمران خان کا کہنا تھا کہ ان کی گرفتاری کا فیصلہ خوش آئند ہے۔ حکومت مجرموں کی مدد کرے تو عام آدمی امید کھو بیٹھتا ہے۔ نیب چیئرمین نے اہم کرپشن کیسز کھول کر اچھا قدم اٹھایا ہے۔

مزید پڑھیں: شرجیل میمن 11 ساتھیوں سمیت گرفتار

انہوں نے کہا کہ ملتان میٹرو پروجیکٹ میں کرپشن کا کیس بھی کھولا جا رہا ہے۔ نیب چیئرمین اچھا کام کریں گے تو فرق بھی نظر آئے گا۔

عمران خان کا مزید کہنا تھا کہ پاکستان کی معیشت گر رہی ہے، صنعتیں بند ہو رہی ہیں، بے روزگاری بڑھ رہی ہے۔ ’آصف زرداری کی شوگر مافیا کسانوں کا حق مارتی ہے، ادھر ن لیگ نے معیشت کو سخت نقصان پہنچایا ہے‘۔

ان کا کہنا تھا کہ آصف زرداری کے خلاف ایک خصوصی پلان بنایا ہوا ہے۔ ان کے خلاف خاص ان سوئنگ تیار کی ہے۔

چیئرمین تحریک انصاف نے مزید کہا کہ ڈو مور کرتے کرتے پاکستان نے 70 ہزار افراد کی قربانی دی، ڈو مور کرتے پاکستان میں انتہا پسندی بڑھی، معیشت تباہ ہوگئی۔

انہوں نے کہا کہ ڈو مور ہم کرتے رہے اور امریکا آج بھارت کی تعریفیں کر رہا ہے۔

عائشہ گلالئی کے معاملے پر ان کا کہنا تھا کہ الیکشن کمیشن کا عائشہ گلالئی سے متعلق فیصلہ آئین کے خلاف ہے۔ آئین کے مطابق پارٹی پالیسی سے منحرف رکن کو ہٹایا جاتا ہے۔ ’جو پارٹی کے بلز پر ووٹ نہیں کرتیں وہ پارٹی میں کیسے رہ رہی ہیں‘۔

مزید پڑھیں: عائشہ گلالئی کی نااہلی کے لیے عمران خان کی درخواست مسترد

انہوں نے کہا کہ ایسا تاثر نہیں دینا چاہیئے کہ الیکشن کمیشن تحریک انصاف کے خلاف کھڑی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں