The news is by your side.

Advertisement

نوازشریف 30 سال اسٹیبلشمنٹ کےکندھے پر سیاست کرتے رہے: آصف علی زرداری

طاقت کے نشے میں یہ لوگ دھرتی کا بھی ساتھ دینے کوتیار نہیں

لاہور: پاکستان پیپلزپارٹی کے چیئرمین آصف علی زرداری نے کہا ہے کہ نوازشریف 30 سال اسٹیبلشمنٹ کے کندھے پر سیاست کرتے رہے.

ان خیالات کا اظہار انھوں نے پیپلزپارٹی لاہورڈویژن کی افطار پارٹی میں خطاب کرتے ہوئے کیا. ان کا کہنا تھا کہ سزائیں دلانا ہمارا مقصد نہیں، لوگوں کو غلطیاں یاد دلا کر معاف کرنا ہے.

بدقسمتی سے یہ لوگ طاقت کے نشے میں آج دھرتی کا بھی ساتھ دینے کوتیار نہیں

آصف علی زرداری

انھوں نے کہا کہ آپ سب کو رمضان کی مبارک باد دیتا ہوں، سیاسی موقع نہیں، مگر سیاست دان سیاسی بات نہ کرے تو کیا کرے.

آصف زرداری کا کہنا تھا کہ بہت سے لوگ تکلیف میں ہیں، پہلے ملک ہے، دھرتی ہے، جہاں قبر ہے، وہ جگہ اہمیت رکھتی ہے، بدقسمتی سے یہ لوگ طاقت کے نشے میں آج دھرتی کا بھی ساتھ دینے کوتیار نہیں.

انھوں نے کہا کہ پہلے بھی بھٹو صاحب کا ریفرنس سپریم کورٹ میں بھیجا، جو پینڈنگ میں ہے، نوازشریف 30 سال سے اسٹیبلشمنٹ کے کندھے پر سیاست کرتے رہے ہیں.

انھوں نے روایتی حریف کو آڑے ہاتھ لیتے ہوئے کہا کہ پہلے آپ اپنی دکان بتائیں کہ یہ کہاں سے بنائی؟ پاکستان میں آپ کے بزرگ کیا لے کر آئے تھے اور اب آپ کیا ہیں، ہمارا مقصد لوگوں کو ان کی غلطیاں یادنا ہے.


نواز شریف نے مجھے اسٹیبلشمنٹ سے لڑوا کر خود ہاتھ ملا لیا: آصف زرداری


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں