The news is by your side.

Advertisement

آصف زرداری کا چیئرمین نیب کےخلاف قانونی کارروائی کااعلان

اسلام آباد : سابق صدر آصف زرداری نے چیئرمین نیب کے خلاف قانونی کارروائی کااعلان کردیا اور کہا بغیرثبوت بینکرز کو ہتھکڑیاں لگانے اور  جیلوں میں ڈالنے سے معیشت نہیں چل سکتی۔

تفصیلات کے مطابق احتساب عدالت کے باہر میڈیا سے گفتگو کرتے ہوئے سابق صدر آصف زرداری نے چیئرمین نیب جسٹس (ر ) جاوید اقبال کیخلاف کارروائی کا اعلان کرتے ہوئے کہا چیئرمین نیب کا عہدہ ان کو انٹرویو دینے کی اجازت نہیں دیتا ، انھوں نے انٹرویو دے کر قوانین کی خلاف ورزی کی ، چیئرمین نیب کے خلاف کارروائی کریں گے۔

آصف زرداری کا کہنا تھا 80سال کے بوڑھوں کوعدالت میں لایاجارہاہے، جرم ثابت نہیں ہوا لیکن ہتھکڑیاں لگا کر پیش کیا جا رہا ہے، بغیر ثبوت بینکرز کو ہتھکڑیاں لگانے اور جیلوں میں ڈالنے سے معیشت نہیں چل سکتی۔

مزید پڑھیں : نیب اور معیشت ایک ساتھ نہیں چل سکتی، زرداری

یاد رہے چند روز قبل سابق صدر نے میڈیا سے ہی گفتگو میں کہا تھا نیب اور معیشت ایک ساتھ نہیں چل سکتی، لوگوں کے پہلے امیر بناؤ پھر ٹیکس لگاؤ ، ماضی کی اور موجودہ ایمنسٹی اسکیم میں کوئی فرق نہیں۔

آصف زرداری نے عید کے بعد سڑکوں پرحکومت مخالف تحریک چلانےکااعلان کرتے ہوئے کہا تھا جس کے پاس تھوڑے بہت پیسے ہیں وہ بلیک منی کو وائٹ کرلے گا، بلاول بھٹو بی بی کا بیٹا ہے، بلاول کو بھی اسی انگاروں پر چلنا ہے۔

Comments

comments

یہ بھی پڑھیں