The news is by your side.

Advertisement

بالی ووڈ اداکارہ زرین خان نے مداح پر تھپڑوں کی بارش کردی

ممبئی: بالی ووڈ اداکارہ زرین خان نے مداح پر تھپڑوں کی بارش کردی جس کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق بھارتی شہر اورنگ آباد میں ایک شخص نے بالی ووڈ اداکارہ زرین خان کو چھونے کی کوشش کی جس پر زرین خان نے اسے تھپڑ دے مارا پھر وہاں موجود افراد نے بھی مداح کی خوب دھلائی کی۔

رپورٹ کے مطابق زرین خان نے بھارتی شہر اورنگ آباد میں ایک اسٹور کی لانچنگ کی تقریب میں بطور مہمان خصوصی شریک ہوئی تھیں جہاں ان کے گرد لوگوں کا ہجوم اکٹھا ہوگیا تھا۔

اسٹور کی لانچنگ تقریب میں شرکت کرنے کے بعد جب وہ واپس جارہی تھیں تو ان کے لیے گاڑی تک پہنچنا مشکل ہوگیا تاہم گارڈز کی مدد سے وہ گاڑی کی طرف بڑھ رہی تھیں کہ ایک مداح نے انہیں غیراخلاقی طریقے سے چھوا جس پر اداکارہ نے اس کی خوب پٹائی کی۔

مزید پڑھیں: زرین خان کی کارسے اندوہناک حادثہ

واضح رہے کہ بالی ووڈ میں اداکاراؤں کو اکثر اس طرح کی صورت حال کا سامنا کرنا پڑتا ہے جب وہ کہیں جاتے ہیں تو مداحوں کی بڑی تعداد جمع ہوجاتی ہے۔

یاد رہے کہ زرین خان نے اپنے فلمی کیریئر کا آغاز 2010 میں دبنگ خان کی فلم ’ویر‘ سے کیا تھا جو باکس آفس پر کامیاب رہی تھی، جس کے بعد زرین خان کے لیے بالی ووڈ کے دروازے کھل گئے تھے۔

کچھ عرصہ انڈسٹری سے دور رہنے کے بعد انہوں نے ہارر فلم ’1921‘ کا انتخاب کیا جس میں ان کی اداکاری کو کافی سراہا گیا تھا۔

Comments

comments

یہ بھی پڑھیں