The news is by your side.

Advertisement

زرنش خان کورونا میں مبتلا، اسپتال منتقل

کراچی: شوبز انڈسٹری کی معروف اداکارہ زرنش خان کورونا میں مبتلا ہوگئیں، انہیں طبی امداد کے لیے اسپتال منتقل کردیا گیا۔

پاکستانی ڈرامہ انڈسٹری کی اداکارہ زرنش خان کا کورونا ٹیسٹ مثبت آگیا جس کے بعد وہ اسپتال میں زیر علاج ہیں، اداکارہ نے انسٹاگرام پر مداحوں کو بتایا کہ وہ کورونا کا شکار ہوگئیں لہٰذا سب محفوظ رہیں اور اپنا خیال رکھیں۔

اداکارہ نے اسٹوری پر ویڈیو پیغام شیئر کیا جس میں انہوں نے کہا کہ میں اس وقت اسپتال میں موجود ہوں اور مجھے شک ہے کہ میں کووڈ کا شکار ہوگئی ہوں۔

زرنش خان نے تمام افراد کو ہدایت کی کہ برائے مہربانی سماجی فاصلہ قائم رکھیں اور کورونا وائرس کو مذاق ہر گز نہ سمجھیں، یہ بُرا ہے۔

اداکارہ اسٹوری کے کیپشن میں مبتایا کہ یہ ویڈیو ایک روز قبل اسپتال سے بنائی گئی تھی اور اب میرا ٹیسٹ مثبت آچکا ہے، برائے مہربانی میری جلد صحت یابی کے لیے دعا کریں۔

خیال رہے کہ گزشتہ 24 گھنٹوں کے دوران پاکستان میں کووِڈ کے 37 ہزار 636 ٹیسٹ کیے گئے جن میں سے 1841 افراد میں وائرس کی تصدیق ہوئی جب کہ وائرس سے 32 افراد انتقال کرگئے۔

Comments

یہ بھی پڑھیں