The news is by your side.

Advertisement

کرپشن سے پاک ترقی یافتہ اور خوشحال پاکستان پی ٹی آئی کی منزل ہے، زوار حسین وڑائچ

لاہور: صوبائی وزیر جیل خانہ جات زوار حسین وڑائچ کا کہنا ہے کہ اپوزیشن کرپشن کے خلاف جاری جنگ کو انتقامی سیاست کا نام دے کر عوام کو گمراہ کرنے میں کامیاب نہیں ہو سکتی۔

تفصیلات کے مطابق صوبائی وزیر جیل خانہ جات زوار حسین وڑائچ نے کہا کہ حکومت پنجاب جیلوں میں قید یو ں کی بہتری کے لیے جدید اصلاحات لارہی ہے۔

انہوں نے کہا کہ موجودہ حکومت کو یہ اعزاز حاصل ہے کہ پنجاب کی تاریخ میں پہلی دفعہ اپنی سزا کاٹنے کے باوجود جرمانوں کی وجہ سے جیلوں میں بند قیدیوں کوحکومتی اورمخیرحضرات کی معاونت سے ادائیگی کے بعد رہائی دلوائی گئی۔

زوار حسین وڑائچ نے کہا کہ اپوزیشن کرپشن کے خلاف جاری جنگ کو انتقامی سیاست کا نام دے کر عوام کو گمراہ کرنے میں کامیاب نہیں ہوسکتی۔

صوبائی وزیر جیل خانہ جات نے کہا کہ کرپشن سے پاک ترقی یافتہ اور خوشحال پاکستان پی ٹی آئی کی منزل ہے، وزیراعظم عمران خان پاکستانی عوام کو اس منزل پر ضرور پہنچائیں گے۔

انہوں نے کہا کہ انتہائی قلیل عرصے میں پاکستان کے وقار کو بلند کرنے اورعوام کے تشخص کو اجاگر کرنے کے عمران خان کے وعدے پورے ہورہے ہیں، قوم کو اپنے وزیراعظم پرفخرہے۔

زوار حسین وڑائچ نے کہا کہ وز یراعظم عمران خا ن نے مختلف ممالک کے کامیاب دوروں کے بعد اب امریکا کے کامیاب دورے کے بعد خود کو عالمی لیڈر ثا بت کردیا۔

Comments

یہ بھی پڑھیں